Tillu Square: టిల్లు స్క్వ్వేర్ కలెక్షన్లపై నాగవంశీ కామెంట్స్ వైరల్.. ఏమన్నారంటే?

సిద్ధు జొన్నలగడ్డ (Siddhu Jonnalagadda), అనుపమ పరమేశ్వరన్ (Anupama Parameswaran) జంటగా నటించిన టిల్లు స్క్వేర్ (Tillu Square) మూవీ శుక్రవారం రోజున గుడ్ ఫ్రైడే కానుకగా విడుదలై పాజిటివ్ టాక్ ను సొంతం చేసుకుంది. నిర్మాత నాగవంశీ ఈ సినిమా కలెక్షన్ల గురించి మాట్లాడుతూ షాకింగ్ కామెంట్లు చేయగా ఆ కామెంట్లు నెట్టింట వైరల్ అవుతున్నాయి. టిల్లు స్క్వేర్ సినిమా బాగా ఆడుతోందని ఇంకా థియేటర్లు పెంచుతున్నామని కామెంట్లు చేశారు. టిల్లు స్క్వేర్ సినిమా 100 కోట్లు కలెక్ట్ చేస్తుందని అనుకుంటున్నామని నాగవంశీ (Suryadevara Naga Vamsi) అన్నారు.

ఈ సినిమా తొలిరోజు 25 కోట్ల రూపాయల గ్రాస్ కలెక్షన్లను సొంతం చేసుకోవడం గమనార్హం. ఈ సినిమా ఓవర్సీస్ లో బాగా నడుస్తోందని ఈ మూవీ ఓవర్సీస్ కలెక్షన్లు సైతం భారీ స్థాయిలో ఉన్నాయని నాగవంశీ అన్నారు. నైజాం ఏరియాలో ఈ సినిమా ఫస్ట్ డే కలెక్షన్లు 7 కోట్ల రూపాయలుగా ఉంటాయని ఆయన వెల్లడించారు. సిద్ధు జొన్నలగడ్డ మాట్లాడుతూ మేము సినిమా రిలీజ్ కు ముందు ఈ సినిమా కచ్చితంగా హిట్ అని చెబితే బాగోదని పేర్కొన్నారు.

టిల్లు స్క్వేర్ మూవీ విడుదలైందని ఈ సినిమా ఫలితం ఏంటో అందరికీ తెలుసని సిద్ధు జొన్నలగడ్డ వెల్లడించారు. అందువల్లే ఈ సినిమా పెద్ద హిట్ కాబోతుందని ఇప్పుడు చెబుతున్నానని ఆయన కామెంట్లు చేయగా ఆ కామెంట్స్ వైరల్ అవుతున్నాయి. టిల్లు స్క్వేర్ మూవీ ఫుల్ రన్ లో 100 కోట్ల రూపాయల రేంజ్ లో కలెక్షన్లను సొంతం చేసుకుంటుందో లేదో చూడాల్సి ఉంది.

టిల్లు స్క్వేర్ సినిమాకు శని, ఆదివారాలలో బుకింగ్స్ బాగున్నాయి. నేహాశెట్టి (Neha Shetty)  ఈ సినిమాలో గెస్ట్ రోల్ లో నటించగా ఆమె రోల్ ప్రేక్షకులను ఎంతగానో ఆకట్టుకుంది. టిల్లు స్క్వేర్ సినిమా యూత్ ను ఎంతగానో మెప్పిస్తుండటం గమనార్హం. సిద్ధు పర్ఫామెన్స్ కు మాత్రం నెటిజన్లు ఫిదా అవుతున్నారు.

టోటల్ గా 100cr చేస్తుంది .. మొదటిరోజు 25cr టచ్ చేస్తుంది: ప్రొడ్యూసర్ నాగవంశీ #TilluSquare #NagaVamsi #SiddhuJonnalagadda #Anupama pic.twitter.com/x8VbpNMrGi

— Filmy Focus (@FilmyFocus) March 29, 2024