మెగా బ్రదర్ నాగబాబు సోషల్ మీడియాలో యాక్టివ్ గా ఉంటారనే సంగతి తెలిసిందే. సోషల్ మీడియా ద్వారా నాగబాబు తన అభిప్రాయాలను, ఇతర విశేషాలను అభిమానులతో పంచుకుంటూ ఉంటారు. అయితే తాజాగా నాగబాబు ఒక ఫోటోను సోషల్ మీడియాలో షేర్ చేయగా ఆ ఫోటో వల్ల పవన్ కళ్యాణ్ ఫ్యాన్స్ ఫీలవుతుండటం గమనార్హం. చిరంజీవి యంగ్ గా కనిపిస్తున్న ఫోటోను నాగబాబు సోషల్ మీడియాలో షేర్ చేయడంతో పాటు ఆ ఫోటోలో చుట్టూ ఇతర మెగా హీరోలను ఉంచారు.
ఆ ఫోటో గురించి నాగబాబు చెబుతూ ఈ ఫోటోలో ఉన్న మెగా హీరోలలో అందరి కంటే చిరంజీవి యంగ్ గా కనిపిస్తున్నారని ఈ జనరేషన్ లో కానీ వచ్చే జనరేషన్ లో కానీ అన్నయ్యను ఎవరూ బీట్ చేయలేరని పేర్కొన్నారు. అయితే నాగబాబు షేర్ చేసిన ఫోటోలో పవన్ కళ్యాణ్ కూడా ఉంటే బాగుండేదని పవన్ ఫ్యాన్స్ భావిస్తున్నారు. అయితే కొందరు ఫ్యాన్స్ మాత్రం నాగబాబు పవన్ కూడా యంగ్ గా ఉన్నారని భావించి ఆయన ఫోటోను పెట్టి ఉండకపోవచ్చని కామెంట్లు చేస్తున్నారు.
మరి కొందరు నెటిజన్లు మాత్రం పవన్ కళ్యాణ్ ను ఎందుకు మిస్ చేశారని నాగబాబును సోషల్ మీడియా వేదికగా ప్రశ్నిస్తున్నారు. మరోవైపు వయస్సు పెరుగుతున్నా చిరంజీవి మాత్రం యాక్టివ్ గా ఉంటూ అభిమానులను ఆశ్చర్యపరుస్తున్నారు. చిరంజీవి నటిస్తున్న ఆచార్య షూటింగ్ దాదాపుగా పూర్తి కాగా లూసిఫర్ రీమేక్ షూటింగ్ త్వరలో ప్రారంభం కానుంది. ఈ సినిమాకు గాడ్ ఫాదర్ అనే టైటిల్ ఫిక్స్ అయిందని వార్తలు వస్తున్నాయి.
View this post on Instagram
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home