Naga Chaitanya, Vijay Deverakonda: ఆ డైరెక్టర్ కు చైతూ గ్రీన్ సిగ్నల్ ఇచ్చారా?

September 20, 2021 / 07:20 PM ISTByFilmy Focus

Join Us

Naga Chaitanya, Vijay Deverakonda: ఆ డైరెక్టర్ కు చైతూ గ్రీన్ సిగ్నల్ ఇచ్చారా?

నిన్నుకోరి, మజిలీ సినిమాలతో విజయాలను సొంతం చేసుకున్న శివ నిర్వాణ టక్ జగదీష్ సినిమాతో విమర్శలు ఎదుర్కొన్నారు. టక్ జగదీష్ సినిమాపై నెటిజన్లు భారీస్థాయిలో ట్రోల్ చేశారు. శివ నిర్వాణ తర్వాత సినిమా విజయ్ దేవరకొండ హీరోగా తెరకెక్కాల్సి ఉండగా ఆ సినిమా కూడా ఆగిపోయినట్టే అని వార్తలు వచ్చాయి. అయితే శివ నిర్వాణ తయారు చేసిన కథకు నాగచైతన్య గ్రీన్ సిగ్నల్ ఇచ్చారని ప్రచారం జరుగుతోంది. నాగచైతన్య శివ నిర్వాణ కాంబినేషన్ లో మజిలీ అనే సినిమా తెరకెక్కి ఆ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచింది.

ప్రస్తుతం చైతన్య థాంక్యూ సినిమాలో నటిస్తుండగా ఈ సినిమా పూర్తైన తరువాత చైతన్య శివ నిర్వాణ కాంబో మూవీ పట్టాలెక్కనుందని సమాచారం. త్వరలో ఈ ప్రాజెక్ట్ కు సంబంధించి అధికారిక ప్రకటన వచ్చే అవకాశాలు ఉన్నాయని సమాచారం. చైతన్య థాంక్యూ మూవీతో పాటు బంగార్రాజు సినిమాలో కూడా నటిస్తున్నారు. వరుస విజయాలతో జోరుమీదున్న నాగచైతన్య నటించిన లవ్ స్టోరీ మూవీ ఈ నెల 24వ తేదీన థియేటర్లలో విడుదల కానుంది.

లవ్ స్టోరీ ట్రైలర్ సినిమాపై అంచనాలను పెంచడంతో మరో హిట్ గ్యారంటీ అని చైతన్య ఫ్యాన్స్ భావిస్తున్నారు. కుల వివక్ష, ఆడ మగ తారతమ్యం గురించి శేఖర్ కమ్ముల ప్రధానంగా ఈ సినిమాలో చూపించనున్నారు. సాయిపల్లవి ఈ సినిమాలో ఫిదా సినిమాకు భిన్నమైన పాత్రలో కనిపించనున్నారని తెలుస్తోంది. రెహమాన్ దగ్గర వర్క్ చేసిన పవన్ లవ్ స్టోరీ సినిమాకు సంగీతం అందించారు.