మళ్లీ కలిసినటించనున్న నాగచైతన్య, సమంత

యువ సామ్రాట్ అక్కినేని నాగచైతన్య సూపర్ ఛాన్స్ కొట్టేశారు. మాటల మాంత్రికుడు  త్రివిక్రమ్ శ్రీనివాస్ దర్శకత్వంలో నటించే అవకాశం పట్టేసారు. అక్కినేని అభిమానులకు ఇది ఆనందం కలిగించే వార్త. వారు మరింత సంబర పడే న్యూస్ ఏమిటంటే ఇందులో హీరోయిన్ గా సమంత నటిస్తుండడం. వీరిద్దరూ ప్రేమికులుగా ప్రపంచానికి తెలియక ముందు చేసిన ఏమాయ చేసావే, మనం సూపర్ హిట్ అయ్యాయి. ప్రేమికులుగా బయటపడడం, త్వరలో పెళ్లి పీటలు ఎక్కనుండడంతో ఈ జోడీపై క్రేజ్ పెరిగింది. పైగా స్టార్ డైరక్టర్ తో మూవీ కావడంతో అంచనాలు పెరిగిపోయాయి. అందుకే ఈ చిత్రాన్ని నాగార్జున అన్నపూర్ణ బ్యానర్ పై నిర్మించడానికి గ్రీన్ సిగ్నల్ ఇచ్చారు.

ప్రస్తుతం మాటల మాంత్రికుడు పవన్ కళ్యాణ్ తో మూడో సినిమాని తెరకెక్కించడానికి సిద్ధమవుతున్నారు. ఈ మూవీ వచ్చే నెల మూడవ తేదీ  నుంచి సెట్స్ మీదకు వెళ్లనుంది. దీని తర్వాత చైతూ మూవీ పట్టాలెక్కనుంది. అంతలోపున నాగచైతన్య కల్యాణ కృష్ణ డైరక్షన్లో తాను చేస్తున్న చిత్రాన్ని కంప్లీట్ చేసే పనిలో ఉన్నారు.

Also, do SUBSCRIBE to our YouTube channel to get latest Tollywood updates.