మళ్లీ కలిసి నటించనున్న సమంత, నాగ చైతన్య

టాలీవుడ్ ప్రేమ పక్షులు అక్కినేని నాగ చైతన్య, సమంత త్వరలో భార్యభర్తలు కానున్నారు. అక్కినేని ఇంట కోడలిగా అడుగుపెట్టిన తర్వాత కూడా సినిమాలో నటిస్తానని స్యామ్ అధికారికంగా ప్రకటించింది. ఇప్పుడు తమిళ సినిమాలో నటిస్తోంది. తెలుగులోనూ సుకుమార్ దర్శకత్వంలో తెరకెక్కనున్న రామ్ చరణ్ తేజ్ మూవీలో నటించనుంది. ఇతర హీరోలతో కాకుండా చైతూ కలిసి నటిస్తే చూడాలని అభిమానులు ఆసక్తిగా ఎదురుచూస్తున్నారు. వీరిద్దరూ ఏమాయ చేసావే, ఆటోనగర్ సూర్య, మనం చిత్రంలో కలిసి నటించి హిట్ పెయిర్ గా పేరు దక్కించుకున్నారు.

మళ్లీ ఈ హిట్ పెయిర్ ని తెరపైన చుడనున్నాం. ఈ విషయాన్నీ సమంత స్వయంగా ప్రకటించింది. నిన్న అభిమానులతో సోషల్ మీడియా వేదికపై ముచ్చటిస్తూ వచ్చే ఏడాది నాగచైతన్యతో కలిసి నటిస్తానని వెల్లడించింది. ప్రస్తుతం “ఎటోవెళ్లిపోయింది మనసు” చిత్రానికి ఉత్తమ నటిగా నంది అవార్డు రావడంతో సమంత ఆనందంలో ఉంది.

Also, do SUBSCRIBE to our YouTube channel to get latest Tollywood updates.