పెళ్లి వార్తలపై క్లారిటీ ఇచ్చిన నాగ చైతన్య

యువ సామ్రాట్ అక్కినేని నాగచైతన్య, క్యూట్ బ్యూటీ సమంత అక్టోబర్ 6న భార్య భర్తలు కానున్నారు. ఈ విషయాన్నీ చైతూ అందరి ముందు చెప్పారు. వేదిక విషయంలో మాత్రం క్లారిటీ ఇవ్వలేదు. దీంతో సోషల్ మీడియాలో అనేక వార్తలు చక్కర్లు కొడుతున్నాయి. హిందూ, క్రిస్టియన్ సంప్రదాయం ప్రకారం  గోవాలో మూడు రోజుల పాటు పెళ్లి జరుగుతుందని, పెళ్లి ఖర్చులంతా వధూవరులు పెట్టుకుంటున్నారని ప్రచారం జోరుగా సాగింది. వీటిపై నాగ చైతన్య స్పందించారు. “పెళ్లి ఖర్చులు మేము పెట్టుకుంటామని ఎలా చెబుతాం. ఆ నిర్ణయం మేమిద్దరం తీసుకోలేదు. పెళ్లి అంటే మా రెండు కుటుంబాలకు శుభ కార్యక్రమం.

ఒకవేళ నేను అలాంటి సలహా ఇస్తే నాన్న ఎంతో బాధపడతారు. రెండు కుటుంబాలు కలిసి పెళ్లి జరిపిస్తారు”అని చెప్పారు. ఇంకా పెళ్లి వేదిక గురించి వివరిస్తూ “మా పెళ్లి వేదిక విషయంలో ఇంకా ఓ నిర్ణయానికి రాలేక పోతున్నాం. మా ఇద్దరికీ గోవా ఇష్టం. అలా అయితే కొందరిని ఎంపిక చేసి పిలవాల్సి ఉంటుంది. మా పేరెంట్స్ కి అందరూ రావాలని కోరిక. అందుకే వారి కోరిక ప్రకారమే తుది నిర్ణయం తీసుకుంటాం’ అని అన్నారు.

Also, do SUBSCRIBE to our YouTube channel to get latest Tollywood updates.