మళ్ళీ ఏప్రిల్ లోనే రాబోతున్న చై..!

గత ఏడాది ‘మజిలీ’ తో బ్లాక్ బస్టర్… ‘వెంకీమామ’ తో సూపర్ హిట్ అందుకుని మంచి ఫామ్లో ఉన్న యువసామ్రాట్ నాగ చైతన్య.. ఇప్పుడు శేఖర్ కమ్ముల డైరెక్షన్లో ఓ చిత్రం చేస్తున్న సంగతి తెలిసిందే. ఈ చిత్రంలో సాయి పల్లవి హీరోయిన్ గా నటిస్తుంది. ‘లవ్ స్టోరీ’ అనే టైటిల్ తో ఈ చిత్రం తెరకెక్కుతోంది. నాగచైతన్యకు ఇది 19వ చిత్రం కావడం విశేషం. ‘ఫిదా’ వంటి బ్లాక్ బస్టర్ తర్వాత శేఖర్ కమ్ముల నుండీ రాబోతున్న చిత్రం కావడంతో ఈ ‘లవ్ స్టోరీ’ పై మంచి అంచనాలే నెలకొన్నాయి.

ఇక ఈ చిత్రం రిలీజ్ డేట్ ను కూడా ఖరారు చేసినట్టు తాజా సమాచారం. గత ఏడాది ఏప్రిల్ కు ‘మజిలీ’ తో బ్లాక్ బస్టర్ కొట్టిన నాగచైతన్య ఈసారి కూడా ఏప్రిల్ కే రాబోతున్నాడట. అవును ‘లవ్ స్టోరీ’ చిత్రాన్ని ఏప్రిల్ 16న విడుదల చేయబోతున్నారట. త్వరలోనే ఈ విషయాన్ని అధికారికంగా ప్రకటిస్తారని తెలుస్తుంది. ఇక ఈ చిత్రం ఓవర్సీస్ రైట్స్ భారీ రేటు పలుకుతుందట. ఏకంగా 5.25 కోట్లు పలుకుతున్నట్టు తెలుస్తుంది. నాగ చైతన్య కెరీర్ లోనే ఇది హైయెస్ట్ నెంబర్ అని చెప్పాలి. శేఖర్ కమ్ముల సినిమాకి ఓవర్సీస్ లో మంచి డిమాండ్ ఉందన్న సంగతి తెలిసిందే.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!