నిరాడంబరంగా నాగచైతన్య, సమంత పెళ్లి జరుగనుందా?

క్యూట్ బ్యూటీ సమంత, నాగ చైతన్యల ప్రేమను పెద్దలు అంగీకరించి జనవరి 29న నిశ్చితార్థం జరిపించారు. పెళ్లిని కూడా ఫిక్స్ చేశారు. అక్టోబర్ ఆరవ తేదీన తాము పెళ్లి చేసుకోబోతున్నట్లు నాగచైతన్య రీసెంట్ గా వెల్లడించారు. పెళ్లి ముహూర్తంలోపున తమ ప్రాజక్టులను పూర్తి చేసే పనిలో చైతూ, సమంత ఉన్నారు. అక్కినేని నాగార్జున, అమల కూడా ఆ పనుల్లోనే ఉన్నారు. అయితే అందరూ అనుకున్నట్లు ఈ వేడుక గ్రాండ్ గా జరగదంట. ఎందుకో ఏమో తెలియదుగానీ చైతూ, సమంతల పెళ్లి సింపుల్ గా జరిపిస్తున్నట్లు అమల రీసెంట్ గా వెల్లడించారు. ఈ కల్యాణ మహోత్సవాన్ని నిరాడంబరంగా తమ రెండు కుటుంబాల మధ్య జరపాలని నిశ్చయించామని చెప్పారు.

ఎంతో వైభవంగా నిర్వహించిన అఖిల్ నిశ్చితార్ధం రద్దు కావడంతో.. ఆ ప్రభావం చైతన్య వివాహంపై పడిందని ఫిలిం నగర్ వాసులు చెప్పుకుంటున్నారు. అక్కినేని ఇంట జరిగే ఈ శుభకార్యాన్ని చూడాలని అభిమానులు కూడా కోరుకుంటున్నారు. మరి అక్కినేని కుటుంబ సభ్యులు చివరికి ఏ నిర్ణయం తీసుకుంటారో చూడాలి.

Also, do SUBSCRIBE to our YouTube channel to get latest Tollywood updates.