40 రోజుల్లో 100 వేడుకలు జరిగాయన్న సమంత!

టాలీవుడ్ క్యూట్ బ్యూటీ సమంత అక్కినేని హీరో నాగచైతన్య తో ప్రేమలో పడడమే కాదు.. ఆ ప్రేమను పెళ్లి వరకు తీసుకొచ్చారు. ఇరు కుటుంబాల వారిని ఒప్పించి.. మెప్పించి సంతోషంగా అక్టోబరు 6న గోవాలో వివాహం చేసుకున్నారు. పెళ్లి అత్యంత సన్నిహితులు మధ్య జరిగినప్పటికీ ఆ తర్వాత అతిధి మర్యాదలు కొనసాగాయి. గత ఆదివారం గా హైదరాబాద్ లో పెద్ద రిఫెక్షన్ నిర్వహించారు. ఈ వేడుకకి సినీ, రాజకీయ, మీడియా ప్రముఖులు హాజరయ్యారు. ఈ వేడుకతో చైతూ, సమంతల పెళ్లికి సంబంధించిన సెలబ్రేషన్స్ ముగిసాయి. ఈ విషయాన్ని సమంత సోషల్ మీడియా ద్వారా తెలిపింది.

“చివరికి వెడ్డింగ్‌ సీజన్‌ పూర్తి అయింది. 40 రోజుల్లో మొత్తం 100 వేడుకలు జరిగాయి. అందమైన దుస్తులు ధరించి, చాలా ఎంజాయ్‌ చేశా” అని పెళ్లి, రిసెప్షన్ వేడుకలకి సంబంధించిన ఫోటోలని సమంత అభిమానులకోసం షేర్ చేశారు. అంతేకాదు “లవ్‌ మై ఫ్యామిలీ, ఎప్పటికీ మీకు కృతజ్ఞురాలిని” అనే పోస్ట్ చేశారు. ఇలా తనని ఫాలో అయ్యేవారికి ఎప్పటికప్పుడు అప్టెడ్ ఇవ్వడంలో తాను ముందుంటానని ఆమె మరోసారి నిరూపించుకుంది.