టాలీవుడ్ యంగ్ హీరోలలో ఒకరైన నాగచైతన్య ప్రస్తుతం వరుస సినిమాలతో బిజీగా ఉన్నారనే సంగతి తెలిసిందే. నాగచైతన్య నటించిన థాంక్యూ టీజర్ తాజాగా విడుదల కాగా ప్రేక్షకుల నుంచి ఈ టీజర్ కు పాజిటివ్ రెస్పాన్స్ వస్తోంది. విక్రమ్ కె కుమార్ డైరెక్షన్ లో ఈ సినిమా తెరకెక్కుతుండగా అన్ని వర్గాల ప్రేక్షకులకు నచ్చే విధంగా ఈ టీజర్ ఉండటం గమనార్హం. ప్రేమమ్ పోలికలు కనిపిస్తున్నా నాగచైతన్య ఖాతాలో ఈ సినిమాతో మరో హిట్టు చేరేలా ఉంది.
మరోవైపు నాగచైతన్య కీలక పాత్రలో నటించిన లాల్ సింగ్ చద్దా కూడా ఈ ఏడాదే థియేటర్లలో విడుదల కానున్న సంగతి తెలిసిందే. టీజర్ లో డైలాగ్స్ అన్ని వర్గాల ప్రేక్షకులను ఆకట్టుకునే విధంగా ఉండటం గమనార్హం. థమన్ బ్యాక్ గ్రౌండ్ స్కోర్ టీజర్ కు హైలెట్ గా నిలిచింది. మనం మ్యాజిక్ ను ఈ సినిమా రిపీట్ చేస్తుందేమో చూడాల్సి ఉంది. అయితే నాగచైతన్య కెరీర్ పరంగా మరో కీలక నిర్ణయం తీసుకున్నారని సమాచారం అందుతోంది.
అన్నపూర్ణ బ్యానర్ లో వైష్ణవ్ తేజ్ హీరోగా నాగచైతన్య, అఖిల్ నిర్మాతలుగా ఒక సినిమా తెరకెక్కనుందని బోగట్టా. పృథ్వీ అనే కొత్త డైరెక్టర్ కొన్ని నెలల క్రితం కబడ్డీ బ్యాక్ డ్రాప్ లో నాగచైతన్యకు ఒక కథ చెప్పారు. అక్కినేని ఫిల్మ్ ఇన్స్టిట్యూట్ లో ట్రైనింగ్ తీసుకున్న పృథ్వీ చెప్పిన కథ నాగచైతన్యను ఎంతగానో ఆకట్టుకుంది. అయితే వరుస సినిమాలతో బిజీగా ఉన్న చైతన్యకు ఈ సినిమాకు డేట్స్ కేటాయించే విషయంలో ఇబ్బందులు ఎదురయ్యాయి.
అందువల్ల చైతన్య నిర్మాతగా మారి వైష్ణవ్ తేజ్ ను ఈ సినిమాలో నటించడానికి ఒప్పించినట్టు తెలుస్తోంది. ఈ సినిమా నిర్మాణ వ్యవహారాలను మాత్రం బోగవల్లి బాపినీడు చూసుకుంటారని తెలుస్తోంది. అన్నపూర్ణ స్టూడియోస్ బ్యానర్ పై ఈ సినిమా తెరకెక్కుతుండగా నిర్మాతలుగా చైతన్య పేరుతో పాటు అఖిల్ పేరు కూడా కనిపించనుందని తెలుస్తోంది. హీరోగా సక్సెస్ సాధించిన చైతన్య నిర్మాతగా కూడా సక్సెస్ సాధిస్తారేమో చూడాల్సి ఉంది.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home
