కరోనాకు బయపడి చాలా మంది స్టార్లు ఇంకా షూటింగ్లలో జాయిన్ అవ్వడం లేదు. వ్యాక్సిన్ వచ్చే వరకూ ఎదురుచూద్దాం అన్నట్టు దర్శకనిర్మాతలను వెయిటింగ్ లిస్ట్ లో పెడుతున్నారు. అయితే మన అక్కినేని ఫ్యామిలీ మాత్రం కరోనాకు కొంచెం కూడా భయపడకుండా ప్రేక్షకులకు ఎంటర్టైన్మెంట్ ఇవ్వడమే ప్రధాన లక్ష్యంగా దూసుకుపోతుంది.కింగ్ నాగార్జున ఇప్పటికే ‘బిగ్ బాస్’ తో పాటు తన ‘వైల్డ్ డాగ్’ చిత్రం షూటింగ్ ను కూడా ఫినిష్ చేసేసాడు. ఇక సమంత అయితే ‘బిగ్ బాస్4’ దసరా ఎపిసోడ్ ను హోస్ట్ చేసి ఔరా అనిపించింది.
ప్రస్తుతం ఆమె ‘ఆహా’ కోసం ‘సామ్ జామ్’ అనే టాక్ షోకి కూడా హోస్ట్ గా వ్యవహరిస్తోంది. ఇక వీళ్ళతో పోలిస్తే నేనేమి తక్కువ కాదు అన్నట్టు నాగ చైతన్య కూడా ఇప్పుడు స్పీడ్ పెంచాడని స్పష్టమవుతుంది. ప్రస్తుతం శేఖర్ కమ్ముల డైరెక్షన్లో ‘లవ్ స్టోరీ’ చిత్రం చేస్తూనే మరో పక్క తన తరువాతి చిత్రం షూటింగ్ ను ప్రారంభించడానికి కూడా రెడీ అయిపోతున్నాడు నాగ చైతన్య. వివరాల్లోకి వెళితే.. విక్రమ్ కుమార్ డైరెక్షన్లో ‘థాంక్యూ’ అనే చిత్రం చెయ్యడానికి నాగ చైతన్య రెడీ అయిన సంగతి తెలిసిందే. సక్సెస్ ఫుల్ ప్రొడ్యూసర్ దిల్ రాజు ఈ చిత్రాన్ని నిర్మించబోతున్నాడు.
‘లవ్ స్టోరీ’ చిత్రాన్ని చేస్తూనే మరోపక్క ‘థాంక్యూ’ ని కూడా ఫినిష్ చెయ్యాలని నాగ చైతన్య భావిస్తున్నాడట. ఈ చిత్రం తరువాత ఇంద్రగంటి మోహన్ కృష్ణ డైరెక్షన్లో కూడా ఓ చిత్రం చెయ్యడానికి చైతన్య రెడీ అవుతున్నాడు. ఈ గ్యాప్లో ఇంద్రగంటి కూడా సుధీర్ బాబుతో ఓ చిత్రం చెయ్యాలని డిసైడ్ అయ్యాడు. ఏమైనా తాను కమిట్ అయిన సినిమాలను ఏమాత్రం గ్యాప్ ఇవ్వకుండా కంప్లీట్ చెయ్యాలని చైతన్య ప్లాన్ చేసుకున్నట్టు తెలుస్తుంది.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
