సూపర్ స్టార్ మహేష్ బాబు ని నాగ చైతన్య ఫాలో అవుతున్నాడు అనగానే ప్రేమ విషయంలోనా? అని మొహం చిట్లించకండి. ఇద్దరూ తమతో నటించిన హీరోయిన్ నే ప్రేమించి పెళ్లిచేసుకున్నారు. చైతూ త్వరలో పెళ్లి చేసుకోబోతున్నాడు అనుకోండి. ఆ విషయాన్నీ పక్కన పెడితే తాజాగా నాగ చైతన్య కెరీర్ విషయంలో ప్రిన్స్ ని ఫాలో అవుతున్నారు. ఎలా అంటే ..? ఇప్పటి వరకు మహేష్ తెలుగులో మాత్రమే సినిమాలను తీశారు. ఇప్పుడే మురుగదాస్ తో ద్వి భాషా చిత్రాన్ని చేస్తున్నారు. అంటే పొరుగు రాష్ట్రాల్లోనూ మార్కెట్ ని విస్తరించుకోవడానికి, అభిమానులను పెంచుకోవడానికి ప్రయత్నిస్తున్నారన్నమాట. అదే విధంగా చైతూ కూడా ప్లాన్ చేస్తున్నారు. ప్రస్తుతం కళ్యాణ్ కృష్ణ దర్శకత్వంలో నటిస్తున్న నాగ చైతన్య ఆ తర్వాత కోలీవుడ్ లోకి అడుగు పెట్టాలని చూస్తున్నారు.
తమిళంలో ‘దురువంగల్ పతిన్నారు’ చిత్రంతో మంచి పేరు తెచ్చుకున్న యువ దర్శకుడు కార్తీక్ నరేన్ త్వరలో హారర్ థ్రిల్లర్ సినిమా చేయబోతున్నారు. ఆ కథను కార్తిక్, రీసెంట్ గా చైతూకి చెప్పడం, అతను ఒకే చెప్పడం కూడా జరిగిపోయాయట. మొదట ఒకే భాషలో తెరకెక్కించాలని అనుకున్న డైరక్టర్ ఇప్పుడు ఏకకాలంలో తెలుగు, తమిళంలో తీయాలని పనులు మొదలు పెట్టారు. జూన్ నుంచి సెట్స్ మీద వెళ్లనున్న ఈ సినిమా నాగార్జున తనయుడి కెరీర్కి ఎంతమేర బూస్ట్ ని ఇస్తుందో చూడాలి.
Also, do SUBSCRIBE to our YouTube channel to get latest Tollywood updates.
