ఈ వారం ‘బిగ్ బాస్4’ ను నాగార్జున హోస్ట్ చేస్తారా లేదా? అనే ప్రశ్న నిన్నటి వరకూ హడావిడి చేసింది. ఈ మధ్యనే మెగాస్టార్ చిరంజీవి కరోనా భారిన పడటం… దానికి మూడు రోజులకు ముందు నాగార్జున ఆయన్ని కలవడం జరిగాయి. దాంతో నాగార్జున కూడా కరోనా టెస్ట్ చేయించుకుని హోమ్ క్వారెంటైన్ కు వెళ్లిపోయారు. అయితే కంగారు పడాల్సింది ఏమీ లేదు. రిపోర్ట్స్ లో నాగార్జునకు కరోనా నెగిటివ్ అని తేలింది. ఇక చిరంజీవి కూడా మరోసారి టెస్టులు చేయించుకోగా..
ఆయనకి కూడా కరోనా నెగిటివ్ వచ్చిందట. కాబట్టి ఈ వారం ‘బిగ్ బాస్4’ ను నాగార్జున హోస్ట్ చెయ్యడం గ్యారెంటీ అని తెలుస్తుంది. అంతేకాదు ఈ వారం మరో సర్ప్రైజ్ కూడా ఉండబోతుందని టాక్. అదేంటంటే.. దసరా ఎపిసోడ్ ను సమంత హోస్ట్ చేసిన సంగతి తెలిసిందే. నాగ్ షూటింగ్ నిమిత్తం మనాలి వెళ్లడంతో..ఒక ఎపిసోడ్ ను హోస్ట్ చేసినట్టు.. స్వయంగా సమంతనే చెప్పుకొచ్చింది. ఇక ఆమె హోస్ట్ చేసిన ఎపిసోడ్లో నాగార్జున చిన్న కొడుకు అఖిల్ కూడా సందడి చేసాడు.
ఇప్పుడు నాగ చైతన్య కూడా ‘బిగ్ బాస్’ స్టేజి పై సందడి చెయ్యడానికి రెడీ అవుతున్నాడట. తన తండ్రితో పాటు నాగ చైతన్య కూడా హౌస్మేట్స్ ను అలాగే ప్రేక్షకులను అలరించడానికి రెడీ అవుతున్నాడట. దీపావళి రోజున ప్రసారమయ్యే స్పెషల్ ఎపిసోడ్లో నాగ చైతన్య కనిపిస్తాడని తెలుస్తుంది. దీనికి సంబంధించిన ప్రోమోని కూడా విడుదల చెయ్యడానికి ‘స్టార్ మా’ వారు సన్నాహాలు చేస్తున్నట్టు వినికిడి.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
Home