యువ సామ్రాట్ అక్కినేని నాగ చైతన్య ఫుల్ జోష్ లో ఉన్నాడు. గౌతమ్ మీనన్ తో చైతూ చేసిన “సాహసం శ్వాసగా సాగిపో ” సినిమా రిలీజ్ కి సిద్ధమైంది. మరో మూవీ ప్రేమమ్ తుది మెరుగు దిద్దుకుంటోంది. ఈ చిత్రాల బిజీలో ఉండగానే నాగ చైతన్య మరో మూవీకి ఒకే చెప్పాడు. రెండురోజుల క్రితం ఆ విషయాన్నీ కింగ్ నాగార్జున వెల్లడించారు. తనకు సోగ్గాడే చిన్ని నాయనా హిట్ ఇచ్చిన కళ్యాణ్ కృష్ణ దర్శకత్వంలో తనయుడు నటించబోతున్నట్లు చెప్పారు. ఆ సినిమాకు ప్రీ ప్రొడక్షన్ పనులు వేగంగా జరుగుతోంది. ఇందులో హీరోయిన్ గా ఫిట్ బ్యూటీ రకుల్ ప్రీత్ సింగ్ ను ఎంపిక చేసినట్లు తాజా సమాచారం అందింది.
సరైనోడు తో హిట్ అందుకున్న ఈ పంజాబీ ముద్దుగుమ్మ ప్రస్తుతం మెగా పవర్ స్టార్ రామ్ చరణ్ తేజ్, సూపర్ స్టార్ మహేష్ బాబు సరసన నటిస్తోంది. తక్కువ చిత్రాల్లో నటించినా అందం, అభినయంతో టాలీవుడ్ టాప్ హీరోయిన్ల జాబితాలో స్థానం దక్కించుకున్నరకుల్, తాజాగా అక్కినేని హీరోతో జత కట్టే ఛాన్స్ కొట్టేసి నంబర్ వన్ స్థానానికి గురి పెట్టేసింది.
