Dhootha: చైతన్య అభిమానులకు గుడ్ న్యూస్..!

నాగచైతన్య డిజిటల్ ఎంట్రీ ఇస్తూ చేసిన మొదటి వెబ్ సిరీస్ ‘దూత’. విక్రమ్ కుమార్ దర్శకత్వంలో తెరకెక్కిన ఈ వెబ్ సిరీస్… షూటింగ్ పూర్తి చేసుకుని చాలా కాలం అయ్యింది. అమెజాన్ వారు మాత్రం ఈ వెబ్ సిరీస్ ను నిర్మించడం జరిగింది. కానీ ఏడాది దాటినా ఈ వెబ్ సిరీస్ రిలీజ్ అయ్యింది లేదు. ఇందుకు చాలా కారణాలు ఉన్నాయి అని మేకర్స్ చెప్పారు.

అందులో ‘ వేరే భాషల్లోకి ఈ సిరీస్ ను ఏకకాలంలో విడుదల చేయాలి అనే ఉద్దేశంతో డబ్బింగ్ కి ఎక్కువ టైం తీసుకున్నారు’ అని కస్టడీ సినిమా ప్రమోషన్స్ లో నాగ చైతన్య చెప్పుకొచ్చిన సంగతి తెలిసిందే. మరోపక్క ఈ వెబ్ సిరీస్ ఔట్పుట్ సరిగ్గా రాలేదని, అందుకే రీ షూట్లు చేస్తున్నట్లు కూడా టాక్ వినిపించింది. ఇందులో ఏది నిజమో తెలీదు కానీ .. ‘దూత’ (Dhootha) వెబ్ సిరీస్ అయితే ఏడాది దాటినా స్ట్రీమింగ్ కాలేదు అనేది మాత్రం క్లారిటీగా చెప్పుకోవచ్చు.

ఇదిలా ఉండగా.. మొత్తానికి ఈ వెబ్ సిరీస్ స్ట్రీమింగ్ కి డేట్ ఫిక్స్ అయ్యిందట. అందుతున్న సమాచారం ప్రకారం… డిసెంబర్ మొదటి వారం నుండి అమెజాన్ ప్రైమ్ వీడియోలో ‘దూత’ వెబ్ సిరీస్ స్ట్రీమింగ్ కాబోతుందట. ఒక్కో ఎపిసోడ్ 40 నిమిషాల నిడివి కలిగి ఉంటుందని సమాచారం. ఈ సిరీస్ ప్రేక్షకులను ఎంత వరకు మెప్పిస్తుందో తెలీదు కానీ.. నాగ చైతన్య అభిమానుల నిరీక్షణకి మాత్రం తెరదించనుంది అని తెలుస్తుంది.

‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!

‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!