క్యామియో రోల్ చేయడానికి వెనుక ఉన్న అసలు కారణం చెప్పిన శౌర్య

సాధారణంగా స్టార్ హీరోలైనా, యంగ్ హీరోలైనా తాము హీరోగా నటిస్తున్న సినిమాలో తమ పాత్రను డామినేట్ చేసే మరో పాత్ర ఉందంటేనే ఒప్పుకోరు. ఇక వేరే సినిమాలో సహాయ పాత్రలు చేయడానికి ఒప్పుకొన్నారు అంటే.. సదరు హీరోకి అవకాశాలైనా లేకుండాలి లేదా ఇమేజ్ తగ్గుతూ అయినా ఉండాలి. కానీ.. నాగశౌర్య లాంటి ఎమర్జింగ్ స్టార్ “ఓ బేబీ” సినిమాలో ఎలాంటి ప్రాముఖ్యత లేని పాత్ర పోషించడం టాక్ ఆఫ్ ది టౌన్ గా మారింది. సమంతతో ఎక్కువ సన్నివేశాలున్నప్పటికీ.. కథలో మాత్రం పెద్దగా స్కోప్ లేదు.

అయితే.. ఇదే విషయాన్ని ఇటీవల శౌర్యను అడిగితే, ఇలాంటి పెద్ద సినిమాల్లో చిన్న క్యామియోలు చేయడం వలన పెద్ద బ్యానర్స్ లో అవకాశాలొస్తాయి. అలాగే.. నందిని రెడ్డి నాకు చాలా క్లోజ్. ఈ రెండు కారణాల వల్లే “ఓ బేబీ”లో చిన్న రోల్ అయినా చేశాను. నేను ఎక్స్ పెక్ట్ చేసినదానికంటే ఎక్కువ రెస్పాన్స్ వచ్చింది. మరి ఈ సినిమా నా ఇమేజ్ కు ఎంతవరకూ ప్లస్ అవుతుంది అనేది చూడాలి” అని చెప్పుకొచ్చాడు. ఇకపోతే.. శౌర్య హీరోగా ఇప్పుడు రెండు సినిమాల్లో నటిస్తున్నాడు.