“కొబ్బరిమట్ట” సినిమా కోసం సంపూర్ణేష్ బాబు చెప్పిన 3.27 నిమిషాల లాంగెస్ట్ డైలాగ్ వరల్డ్ రికార్డ్ ను క్రియేట్ చేయడమే కాదు.. పెద్ద సెన్సేషన్ గా మారిన విషయం తెలిసిందే. ఆ రికార్డ్ ను బ్రేక్ చేయడానికి లేదా కనీసం ఆ రికార్డ్ కు దరిదాపుల్లోకి వచ్చేందుకు యంగ్ హీరో నాగశౌర్య సన్నద్ధమవుతున్నాడని తెలుస్తోంది.
శౌర్య హీరోగా తెరకెక్కుతున్న తాజా చిత్రంలో ఒక 3 నిమిషాల యాక్షన్ బ్లాక్ ను సింగిల్ టేక్ లో చేయాలని ప్లాన్ చేస్తున్నారట మేకర్స్. ఫలక్ నుమా దాస్ సినిమాలో కూడా ఇదే తరహాలో క్లైమాక్స్ 10 నిమిషాల ఎపిసోడ్ ను కట్ లేకుండా షూట్ చేశారు. ఇప్పుడు శౌర్య చేస్తున్న సాహసం ఎంతవరకూ సత్ఫలితాన్నిస్తుంది అనేది చూడాలి. ఇకపోతే.. శౌర్య సరసన మెహరీన్ కథానాయికగా నటిస్తున్న ఈ చిత్రానికి రమణ తేజ దర్శకుడు. ఐరా ప్రొడక్షన్స్ పతాకంపై నిర్మాణమవుతున్న ఈ చిత్రాన్ని డిసెంబర్ లో విడుదల చేసేందుకు సన్నాహాలు జరుగుతున్నాయి.
