ఈ మధ్య సినిమా ప్రమోషన్స్ లో భాగంగా నిర్వహించే ‘క్యూ అండ్ ఎ’ సెషన్లు.. స్టార్ హీరోలకి తలనొప్పిగా మారాయి అని చెప్పాలి. ఓ హీరో లేదా స్టార్ హీరో ఎదురుగా ఉంటే.. దెబ్బలాడుకుని మరీ కొంతమంది రిపోర్టర్లు మైక్ లు లాగేసుకుని.. ఏదో ఒక కాంట్రోవర్సీ క్వశ్చన్ అడిగి యూట్యూబ్లో వైరల్ అవ్వాలని ప్రయత్నిస్తున్నారు. ఇది సదరు హీరోలకి ఇబ్బందిగా ఉన్నప్పటికీ.. ఓపిగ్గా సమాధానాలు చెబుతున్నారు. సోషల్ మీడియాలో రిపోర్టర్ల పై నెగిటివ్ కామెంట్లు వస్తున్నప్పటికీ ఎవ్వరూ తగ్గడం లేదు. హీరోలను ఇబ్బంది పెట్టే..
ఇలాంటి ‘క్యూ అండ్ ఎ’ సెషన్లు తీసేయాలని కొందరు కామెంట్లు పెట్టడం కూడా మనం చూస్తూనే ఉన్నాం. అయితే ఇలాంటివి కావాలని నిర్మాతలే .. సినిమా పీఆర్ లకి చెప్పడం.. ముఖ్యంగా కాంట్రోవర్సీ రిపోర్టర్లకే మైక్ ఇవ్వాలని మెసేజ్ లు వంటివి పంపడం కూడా జరుగుతున్నాయి. ఎందుకంటే తమ సినిమాకి ఇలా కూడా ఎక్కువ మైలేజీ వస్తుందని వారి నమ్మకం కావచ్చు. దీంతో పీఆర్ లు కూడా ముందుగా అలాంటి కాంట్రవర్సీ రిపోర్టర్లకే మైక్ లు అందిస్తున్నారు. సరే ఈ విషయాలు పక్కన పెట్టేస్తే..
ఇటీవల ‘హాయ్ నాన్న’ టీజర్ లాంచ్ లో నానిని ఒక సీనియర్ రిపోర్టర్ ” ‘జెర్సీ’ ‘శ్యామ్ సింగ రాయ్’ సినిమాలకి హిట్ టాక్ వచ్చినా బ్రేక్ ఈవెన్ కాలేదు అయినా ‘హాయ్ నాన్న’ లాంటి సినిమాలు ఎలా చేస్తున్నారు” అన్నట్టు ప్రశ్నించాడు. దీనికి నాని ఇబ్బంది పడుతూనే సమాధానం చెప్పాడు. తర్వాత ఆ సినిమాల నిర్మాతలు ట్విట్టర్లో ‘ఆ సినిమాల ఫలితాలతో సంతృప్తిగా ఉన్నట్టు ట్వీట్లు వేశారు’ . అందులో ‘సితార ఎంటర్టైన్మెంట్స్’ అధినేత నాగ వంశీ కూడా ఒకరు. తాజాగా ఆయన ‘లియో’ ప్రమోషన్లో భాగంగా మీడియా ముందుకు వచ్చినప్పుడు ఈ విషయమై ఓ ప్రశ్న ఎదురైంది.
దీనికి ఆయన కొంచెం ఘాటుగానే బదులిచ్చాడు.ఆయన మాట్లాడుతూ.. ‘ ‘జెర్సీ’ రిజల్ట్ తో నేను సంతృప్తిగా ఉన్నాను. ఆ సినిమా ఆర్ధిక లావాదేవీలతో మీకు ఏంటి సంబంధం. కలెక్షన్స్ గురించి సోషల్ మీడియాలో జరిగే ప్రచారం అంతా పూర్తిగా నిజం కాదు. కొంత దగ్గర్లో ఉండొచ్చు కానీ.. ఎక్సాక్ట్ గా ఉండదు. అయినా మా వ్యాపారం గురించి అడిగితే మేము ఎందుకు చెబుతాం. మేము ఎందుకు దానిని రోడ్డు మీద పెట్టాలి. అలా పెట్టలేం కదా. అది తెలిసి కూడా హీరోని ఆ విషయంలో ప్రశ్నించి ఇబ్బంది పెట్టడం ఏంటి?’ అంటూ మండిపడ్డారు (Naga Vamsi) నాగవంశీ.
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
