అక్కినేని నాగార్జున పుట్టిన రోజుకు ఇంకా పట్టుమని వారం కూడా లేదు. దీంతో అభిమానులు వాళ్ల స్టైల్‌లో వాళ్లు సెలబ్రేషన్‌ కోసం ప్రయత్నాలు చేస్తున్నారు. దానిని రెట్టింపు చేయాలని నాగార్జున వైపు నుండి ప్రయత్నాలు సాగుతున్నాయని సమాచారం. ఈ మేరకు రెండు లేదా మూడు సినిమాల అప్‌డేట్స్‌ ఉంటాయని అంటున్నారు. అందులో 100వ సినిమా లెక్క ఎప్పుడో తెలిసిపోయినా.. 99వ సినిమా లెక్క మాత్రం ఇప్పుడు తెలుస్తుంది అంటున్నారు. నాగార్జున 99వ సినిమా అంటూ చాలా రోజులుగా ఓ ప్రాజెక్ట్‌ చర్చల్లో నిలిచింది.
మలయాళం సినిమా ‘పోరంజు మరియం జోస్’కు రీమేక్‌ అని వార్తలొచ్చాయి. దీని కోసం స్టార్‌ రచయిత ప్రసన్నకుమార్‌ ఈ పని మీద ఉన్నారని కూడా చెప్పారు. అయితే ఆ తర్వాత ఆ సినిమాకు ఆయనే దర్శకత్వం వహిస్తారని అధికారికంగా తెలిసింది. అయితే అనూహ్యంగా ఆ సినిమా నుండి ఆయన తప్పుకున్నారని పుకార్లు వచ్చాయి. దాదాపు అవి నిజమని తేలిపోయింది. ఆ స్థానంలో ఓ కొరియోగ్రాఫర్‌ వచ్చారు అంటున్నారు. ఇప్పుడు నాగార్జున జన్మదినం సందర్భంగా ఈ సినిమాకు సంబంధించి పూర్తి వివరాలు వస్తాయి అని చెబుతున్నారు.
ఈ సినిమాకు విజయ్‌ బిన్నీ అనే కొరియోగ్రాఫర్‌ దర్శకత్వం వహిస్తారని చెబుతున్నారు. ఇప్పటికే ఆయన నాగార్జునకు చాలా హిట్‌ సాంగ్స్‌ కొరియోగ్రాఫ్ చేశారు. ఆయన నెరేషన్‌ నచ్చి నాగ్‌ తొలి అవకాశం ఇస్తున్నారని టాక్‌. ఈ సినిమా ‘నా సామిరంగా’ అనే ఫుల్‌ మాస్‌ టైటిల్‌ పెడుతున్నారట. ఈ మాట మాస్‌ జనాల ఊతపదం కావడం విశేషం. అయితే ఇక్కడ విషయం ఏంటంటే.. ఈ సినిమాను వీలైనంత త్వరగా చిత్రీకరించి వచ్చే సంక్రాంతికే తీసుకురావాలని అనుకుంటున్నారు.
నాగార్జున (Nagarjuna) ‘ఘోస్ట్‌’ సినిమా తర్వాత నాగ్‌ చాలా రోజులు గ్యాప్‌ ఇచ్చారు. అందుకే ఈ సినిమా విషయంలో వేంగా చేయాలని అనుకుంటున్నారట. ఇక వందో సినిమాగా మోహన్‌ రాజా ప్రాజెక్ట్‌ ఉంటుంది. 101వ సినిమాగా శేఖర్‌ కమ్ముల – ధనుష్‌ మూవీ ఉండొచ్చు. ఈ విషయంలో 29న క్లారిటీ వచ్చేస్తుంది.
2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?
‘భోళా శంకర్’ తో పాటు కోల్‌కతా బ్యాక్ డ్రాప్ లో రూపొందిన 10 సినిమాల రిజల్ట్స్.!
‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్
Home