మెగా డైరెక్టర్ ని లైన్ పెట్టిన నాగ్..?

ఈ మధ్యకాలంలో టాలీవుడ్ లో మల్టీస్టారర్ కథలు ఎక్కువగానే వస్తున్నాయి. స్టార్ హీరోలు సైతం కథ నచ్చితే ఇతర హీరోలతో కలిసి స్క్రీన్ షేర్ చేసుకోవడానికి సిద్ధమవుతున్నారు. సీనియర్ హీరో అక్కినేని నాగార్జున కూడా తన ఇద్దరు కొడుకులతో చెరొక మల్టీస్టారర్ సినిమాలో నటించాలని ప్లాన్ చేస్తున్నాడు. ఇప్పటికే ‘బంగార్రాజు’ సినిమాను లైన్లో పెట్టిన నాగ్.. ఇందులో తన పెద్ద కొడుకు నాగచైతన్యతో కలిసి నటించబోతున్నాడని సమాచారం. తాజాగా తన చిన్న కొడుకు అఖిల్ తో కూడా ఓ సినిమాలో నటించడానికి ప్లాన్ చేస్తున్నాడట నాగ్.

ఇంతకీ ఈ మల్టీస్టారర్ ఎవరు డైరెక్ట్ చేయబోతున్నారని అనుకుంటున్నారా..? మెగా డైరెక్టర్ మోహన్ రాజా. గతంలో తెలుగులో ‘హనుమాన్ జంక్షన్’ అనే సినిమాను డైరెక్ట్ చేసిన మోహన్ రాజా.. ఆ తరువాత కోలీవుడ్ కి షిఫ్ట్ అయిపోయారు. ఇన్నాళ్లకు మెగాస్టార్ చిరంజీవిని డైరెక్ట్ చేసే ఛాన్స్ దక్కించుకున్నాడు. వీరిద్దరి కాంబినేషన్ లో ‘లూసిఫర్’ రీమేక్ తెరకెక్కుతోంది. ఈ సినిమా తరువాత మోహన్ రాజా.. మరో సీనియర్ హీరో నాగార్జునతో కలిసి వర్క్ చేయాలనుకుంటున్నారు.

కథ కూడా ఓకే అయిపోయిందని సమాచారం. మల్టీస్టారర్ స్టోరీ కావడంతో మరో హీరోగా అక్కినేని అఖిల్ ని తీసుకోవాలని భావిస్తున్నారు. ఆ విధంగా నాగ్-అఖిల్ కలిసి ఒకే తెరపై కనిపించే ఛాన్స్ ఉందని సమాచారం. అన్నపూర్ణ స్టూడియోస్ బ్యానర్ పైనే ఈ సినిమాను నిర్మించాలని అనుకుంటున్నారు. ‘బంగార్రాజు’ సినిమా పూర్తయిన తరువాతే నాగ్.. మోహన్ రాజా ప్రాజెక్ట్ ని సెట్స్ పైని తీసుకెళ్లనున్నాడు. ప్రస్తుతం నాగ్ నటించిన ‘వైల్డ్ డాగ్’ సినిమా విడుదలకు సిద్ధమవుతోంది.

Most Recommended Video

చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!