నాగార్జున, నాని మల్టీస్టారర్ సినిమాకి ఆసక్తికర టైటిల్

శ్రీరామ్ ఆదిత్య దర్శకత్వంలో నాని, నాగార్జున కలిసి ఓ మల్టీ స్టారర్ మూవీ చేస్తున్న సంగతి తెలిసిందే. వైజయంతి మూవీస్ బ్యానర్ పై అశ్విని దత్ నిర్మిస్తున్న ఈ సినిమా షూటింగ్ ఉగాది రోజున మొదలయింది. హైదరాబాద్ లోని మియాపూర్ మెట్రో స్టేషన్లో నాని, రష్మిక మందన్న, సంపూర్ణేష్ బాబుల మీద కొన్ని కీలక సన్నివేశాలని చిత్రీకరించారు. సెకండ్ షెడ్యూల్ రామోజీ ఫిలిం సిటీలో కొన్ని రోజులుగా కొనసాగుతోంది. ప్రత్యేకంగా వేసిన కాలనీ సెట్ లో నాగార్జున, నాని లపై సన్నివేశాలను తెరకెక్కిస్తున్నారు.

ఈ చిత్రంలో నాగ్ సరసన ఆకాంక్ష సింగ్ నటిస్తోంది. రష్మిక నానికి జోడీగా కనిపించనుంది. ఈరోజు ఈ సినిమా టైటిల్ ని రివీల్ చేశారు. దేవదాస్ అనే టైటిల్ ఫిక్స్ చేసినట్లు టైటిల్ పోస్టర్ ని రిలీజ్ చేశారు. ఇందులో దేవ గా నాగార్జున, దాస్ గా నాని కనిపించబోతున్నట్లు వెల్లడించారు. అలాగే నాగార్జున డాన్ అని గన్, బుల్లెట్స్ చెబుతుంటే.. నాని డాక్టర్ అని శాంతాబాయ్ మెమోరియల్ చారిటి హాస్పిటల్ చీటీ స్పష్టం చేసింది. అక్కినేని నాగేశ్వరరావు కెరీర్ లో అత్యుత్తమ చిత్రంగా నిలిచిన సినిమా పేరుని నాగార్జున సినిమాకి పెట్టడం ఆసక్తిని నెలకొల్పింది.