‘బిగ్ బాస్ 3’ కు అదిరిపోయే టిఆర్పి..!

‘కింగ్ నాగార్జున’ హోస్ట్ గా వ్యవహరిస్తున్న ‘బిగ్ బాస్ 3’ కి రోజు రోజుకి ఆదరణ పెరుగుతుంది. ఇప్పటికే విజయవంతంగా మొదటి వారం పూర్తి చేసుకుని రెండో వారంలోకి అడుగుపెట్టింది ‘బిగ్ బాస్3’. ఈ నేపథ్యంలో నాగార్జున సరికొత్త రికార్డు క్రియేట్ చేసాడు. ఏకంగా ఎన్టీఆర్ రికార్డు నే బ్రేక్ చేశాడు. ప్రస్తుతం ఈ న్యూస్ సోషల్ మీడియాలో తెగ ట్రెండ్ అవుతుంది. విషయం ఏమిటంటే… ‘బిగ్ బాస్ 3’ కి అదిరిపోయే టిఆర్పి రేటింగ్ రావడం విశేషం.

‘బిగ్ బాస్’ మొదటి సీజన్ కు యంగ్ టైగర్ ఎన్టీఆర్ హోస్ట్ చేయగా… అప్పుడు 16.1 టిఆర్పి రేటింగ్ నమోదైంది. ఇక నేచురల్ స్టార్ నాని హోస్ట్ గా చేసిన రెండవ సీజన్ కూడా 15.5 రేటింగ్ నమోదైంది. అయితే నాగార్జున హోస్ట్ గా చేస్తున్న సీజన్ 3 మాత్రం ఆ రెండు సీజన్లను మించి ఏకంగా 17. 9 రేటింగ్ ను నమోదు చేసింది. ఈ షో మొదలవ్వడానికి ముందు అనేక వివాదాలు చోటుచేసుకున్నప్పటికీ ఈ రేంజ్ రేటింగ్ రావడం నిజంగా ఓ రికార్డు అనే చెప్పాలి. ‘ఎన్టీఆర్, నానిల కన్నా నాగార్జున అయితేనే ‘బిగ్ బాస్’ షో కి కరెక్ట్ అని…. నాగార్జున బెస్ట్ హోస్ట్’ అని సోషల్ మీడియాలో ప్రశంసలు కురిపిస్తున్నారు నెటిజన్లు. ఇప్పటికే ‘మీలో ఎవరు కోటీశ్వరుడు’ షో తో బుల్లితెర పై కూడా మంచి మార్కులు వేయించుకున్నాడు నాగార్జున. ఇప్పుడు ‘బిగ్ బాస్ 3’ తో మరోసారి తన సత్తా చాటుతున్నాడు నాగార్జున.