Nagarjuna, Akhil: ఆ విషయంలో అఖిల్ చాలా ఎదిగాడు.. నాగార్జున కామెంట్స్ వైరల్!

నా సామిరంగ సినిమాతో నాగార్జున మరో బ్లాక్ బస్టర్ హిట్ ను ఖాతాలో వేసుకున్నారు. ఈ సినిమాకు క్రిటిక్స్ నుంచి, నెటిజన్ల నుంచి పాజిటివ్ టాక్ వినిపిస్తోంది. అయితే నా సామిరంగ సినిమా ప్రమోషన్స్ లో భాగంగా నాగ్ ఆసక్తికర విషయాలను వెల్లడించగా ఆ విషయాలు వైరల్ అవుతున్నాయి. ఏజెంట్ తర్వాత అఖిల్ కొత్త సినిమా సెట్స్ పైకి వెళ్లలేదనే సంగతి తెలిసిందే. అఖిల్ కెరీర్ గురించి నాగ్ మాట్లాడుతూ కీలక వ్యాఖ్యలు చేశారు.

అఖిల్ కెరీర్ పరంగా గ్యాప్ తీసుకోవడానికి నేను ఏ మాత్రం కారణం కాదని నాగ్ వెల్లడించారు. నా మూలంగా వాడు సినిమాలు తగ్గించడం లేదని నాగ్ పేర్కొన్నారు. అది వాడి ఛాయిస్ అని నాగ్ కామెంట్లు చేశారు. అఖిల్ ఏదో ప్రూవ్ చేసుకోవాలని అనుకుంటున్నాడని వాడి ప్రయత్నం వాడిని చేయనివ్వాలని ఆయన కామెంట్లు చేశారు. నాకు 18 సంవత్సరాల వయస్సు నుంచే నాన్న ఫ్రీ హ్యాండ్ ఇచ్చారని నాగ్ తెలిపారు.

కెరీర్ లో ఏం చేయాలనుకుంటే అది చేయాలని నాన్న సూచించారని నాగ్ చెప్పుకొచ్చారు. నేను వెనక ఉన్నానని ధైర్యంగా ముందుకెళ్లాలని నాన్న చెప్పారని నాగ్ కామెంట్లు చేశారు. ఇప్పుడు నేను కూడా అదే చేస్తున్నానని ఆయన పేర్కొన్నారు. వ్యక్తిగతంగా అఖిల్ చాలా ఎదిగాడని ఆయన చెప్పుకొచ్చారు. కూల్ గా మాట్లాడటం అఖిల్ అమల నుంచి నేర్చుకున్నాడని నాగార్జున కామెంట్లు చేశారు.

అఖిల్ గురించి నాగార్జున చేసిన కామెంట్లు వైరల్ అవుతున్నాయి. తర్వాత ప్రాజెక్ట్ లతో అఖిల్ ఎలాంటి ఫలితాలను అందుకుంటారో చూడాలి. అఖిల్ కెరీర్ పరంగా సంచలన విజయాలను సొంతం చేసుకోవాలని ఆయన అభిమానులు కోరుకుంటున్నారు. సినిమాసినిమాకు అఖిల్ కు క్రేజ్ పెరుగుతున్న సంగతి తెలిసిందే. అఖిల్ నెక్స్ట్ లెవెల్ ప్రాజెక్ట్ లను ఎంచుకోవాలని ఫ్యాన్స్ ఫీలవుతున్నారు.

గుంటూరు కారం సినిమా రివ్యూ & రేటింగ్!

హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!