మీమ్ వీడియో చూసి మురిసిపోతున్న నాగార్జున

కింగ్ నాగార్జున తనపై వచ్చిన ఓ మీమ్ వీడియో చూసుకొని మురిసిపోతున్నారు. ఆయనకు ఆ మీమ్ వీడియోఎంత బాగా నచ్చిందో తెలియదు కానీ ఆ వీడియోని తన ట్విట్టర్ అకౌంట్ లో పోస్ట్ చేయడంతో పాటు పిన్ చేసుకున్నారు. అలాగే కరోనా లాక్ డౌన్ టైం లో దర్శకుడు పూరి జగన్నాధ్ శివమణి సినిమా తీస్తే డైలాగ్స్ ఇలాగే ఉంటాయని కామెంట్ కూడా చేశారు. విషయంలోకి వెళితే 2003లో పూరి దర్శకత్వంలో నాగార్జున చేసిన శివమణి సూపర్ హిట్ గా నిలిచింది.

యాక్షన్ అండ్ లవ్ ఎమోషన్స్ జోడించి పూరి చాలా బాగా ఆ సినిమా తెరకెక్కించారు. ఇక శివమణి అనే రూత్ లెస్ పోలీస్ అధికారిగా నాగార్జున రోల్ చాలా కొత్తగా ఉంటుంది. ‘నా పేరు శివమణి..నాకు కొంచెం మెంటల్’ అనే డైలాగ్ అప్పట్లో పిచ్చ ఫేమస్. కాగా ఈ సినిమాలో వైజాగ్ పూర్ణా మార్కెట్ కి వెళ్లిన శివమణి అక్కడ రౌడీలకు వార్నింగ్ ఇచ్చే సన్నివేశం ఒకటి ఉంటుంది. ఆ సన్నివేశానికి ప్రస్తుత సిచ్యువేషన్ కి ఆపాదిస్తూ ప్రముఖ మిమిక్రి ఆర్టిస్ట్ బవిరి రవి ఓ మీమ్ వీడియో చేశారు.

ఆయన నాగార్జున రౌడీలకు వార్నింగ్ ఇచ్చే డైలాగ్స్ తన మిమిక్రీతో లాక్ డౌన్ లో ఇంటిలో ఉండాలని, మాస్కులు వేసుకోవాలని, మోడీ మాట వినాలని మార్చారు. బవిరి రవి డైలాగ్స్ మరియు వాయిస్ అక్కడ సన్నివేశానికి చక్కగా సూట్ కావడంతో నాగార్జున నిజంగా చెప్పినట్లు ఆ సన్నివేశం కుదిరింది . దీనితో నాగార్జున ఆ మీమ్ వీడియోని తన అధికారిక ట్విట్టర్ లో పోస్ట్ చేశారు. ఏది ఏమైనా ఓ మీమ్ వీడియోకి నాగ్ ఇలా స్పందించడం ఆశ్చర్యకర విషయమే. కాగా ఎన్టీఆర్ విసిరిన రియల్ మెన్ ఛాలెంజ్ ని ఇంకా నాగార్జున పూర్తి చేయలేదు.

If I did the movie Shivamani now,@purijagan s dialogues would be somewhat like this in #CoronavirusCrisis pic.twitter.com/KrFiii8Ug2

— Nagarjuna Akkineni (@iamnagarjuna) April 25, 2020

Most Recommended Video

తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!