‘కొత్త కథల్ని, కొత్త దర్శకుల్ని ఎంకరేజ్ చేయడంలో మన ‘కింగ్’ నాగార్జున ఎప్పుడూ ముందుంటారు’ అని ప్రత్యేకంగా చెప్పనక్కర్లేదు. రిస్క్ అని నిర్మాతలు వెనకడుగు వేస్తే… ఆయనే స్వయంగా నిర్మిస్తుంటారు. ‘మన్మధుడు2’ తర్వాత కొంచెం గ్యాప్ తీసుకున్న నాగార్జున.. తాజాగా ‘వైల్డ్ డాగ్’ అనే చిత్రం చేస్తున్నట్టు అనౌన్స్ చేశారు. ఈ చిత్రాన్ని సాల్మన్ అనే కొత్త దర్శకుడు డైరెక్ట్ చేస్తున్నాడు. పూర్తిస్థాయి యాక్షన్ తో రూపొందనున్న ఈ చిత్రంలో నాగార్జున ఇన్వెస్టిగేటివ్ ఆఫీసర్ గా కనిపించబోతున్నాడు.
ఇక ఈ చిత్రం తర్వాత.. రాజశేఖర్ కు ‘పి.ఎస్.వి గరుడ వేగా’ వంటి సూపర్ హిట్ ఇచ్చిన ప్రవీణ్ సత్తారు డైరెక్షన్లో చేయడానికి నాగార్జున రెడీ అవుతున్నారట. ఇటీవల ప్రవీణ్ సత్తారు వినిపించిన కథ నచ్చడంతో .. నాగార్జున గ్రీన్ సిగ్నల్ ఇచ్చేసారని సమాచారం. ఇది కూడా యాక్షన్ మూవీ అనే తెలుస్తుంది. ఈ చిత్రంలో ఐటీ రైడ్ లు చేసే అధికారిగా నాగార్జున కనిపించనున్నారని సమాచారం. త్వరలోనే ఈ చిత్రానికి సంబందించిన అధికారిక ప్రకటన వచ్చే అవకాశం ఉందని టాక్ నడస్తుంది.
ఈ ఏడాది ఓవర్సీస్ లో అత్యధిక కలెక్షన్లు రాబట్టిన సినిమాలు!
2019లో మరణించిన తారలు?
ఈ ఏడాది డిజాస్టర్ సినిమాలు ఇవే..?
Home