అక్కినేని నాగార్జున-రాంగోపాల్ వర్మల క్రేజీ కాంబినేషన్ లో తెరకెక్కుతున్న నాలుగో చిత్రం రెగ్యులర్ షూటింగ్ మొదలై కొన్ని షెడ్యూల్స్ పూర్తి చేసుకొన్న విషయం తెలిసిందే. ప్రస్తుతం ఈ చిత్రం కొత్త షెడ్యూల్ ముంబైలో జరుగుతోంది. నాగార్జున, అజయ్, సాయాజీ షిండేలా కాంబినేషన్ లో ఒక యాక్షన్ సీక్వెన్స్ ను షూట్ చేస్తున్నారు. బాలీవుడ్ యాక్షన్ కొరియోగ్రాఫర్ ఐజా షేక్ సారధ్యంలో ఈ యాక్షన్ ఎపిసోడ్ షూట్ జరుగుతోంది. ముంబైలోని ఎస్సెల్ వరల్డ్ అనే ఎమ్యూజ్ మెంట్ పార్క్ లో యాక్షన్ సీక్వెన్స్ తోపాటు ఛేజింగ్ సీన్స్ కూడా షూట్ చేస్తున్నారు. మార్చి 10 వరకూ జరగనున్న ఈ షెడ్యూల్లో కీలక సన్నివేశాలు కూడా చిత్రీకరించనున్నారు.
నాగార్జున తనను నమ్మి ఈ అవకాశం ఇవ్వడంతో రాంగోపాల్ వర్మ ఒళ్ళు దగ్గరపెట్టుకొని ఈ చిత్రాన్ని తెరకెక్కిస్తున్నాడు. ఈ చిత్రానికి “శపధం” అనే టైటిల్ పరిశీలనలో ఉందని తెలుస్తోంది. సీరియస్ యాక్షన్ డ్రామాగా తెరకెక్కుతున్న ఈ చిత్రం జూలై లేదా ఆగస్ట్ లో విడుదలవుతుంది. ఈ చిత్రంలో కథానాయికగా ఎవరు నటిస్తున్నారు అనే విషయంలో ఇంకా క్లారిటీ లేదు కానీ ఒన్నాఫ్ ది హీరోయిన్ గా మాత్రం మైరాను ఆల్రెడీ మీడియాకి పరిచయం చేశాడు.
Home