వర్మ దర్శకత్వంలో నటించనున్న అఖిల్.!

రామ్ గోపాల్ వర్మ దర్వకత్వంలో చాలాకాలం తర్వాత నాగార్జున ఆఫీసర్ అనే మూవీ చేస్తున్నారు. ఈ మూవీ మొదట నుంచి ఆసక్తిని రేకెత్తిస్తోంది. శివ మ్యాజిక్ రిపీట్ అవుతుందని అందరూ ఆశిస్తున్నారు. పోస్ట్ ప్రొడక్షన్ జరుపుకుంటున్న ఈ మూవీ మే 25 వ తేదీన రిలీజ్ కానుంది. హలో సినిమా తర్వాత అఖిల్ (Akhil Akkineni) తొలి ప్రేమ దర్శకుడు వెంకీ అట్లూరి దర్శకత్వంలో నటిస్తున్నారు. నిన్న ఈ మూవీ షూటింగ్ మొదలయింది. దీని తర్వాత అఖిల్ వర్మ దర్శకత్వంలో సినిమా చేయనున్నారు. ఈ విషయాన్ని వర్మ స్వయంగా చెప్పారు. “జీవిత చక్రం చాలా ఆశ్చర్యంగా ఉంటుంది. నా తొలి సినిమాకి నాగార్జున నిర్మాతగా వ్యవహరించారు.

పాతికేళ్ల తర్వాత నాగార్జునతో ఆఫీసర్ సినిమాని నిర్మిస్తున్నాను. నాగార్జున శివ సమయంలో ఉన్నదానికంటే అఖిల్ ఇంకా యంగ్ గా, మెరుగైన వాయిస్ తో, చాలా స్టైలిష్ గా హుషారుగా ఉన్నాడు. నేను అతనితో మంచి చిత్రం తీస్తాను” అని ట్వీట్ చేశారు. అంతేకాదు “అఖిల్ తో సినిమా చేస్తున్నందుకు ఆనందంగా ఉంది.. అలాగే ఆ చిత్రాన్ని నాగార్జున నిర్మిస్తున్నందుకు మరింత ఆనందంగా ఉంది” అని వెల్లడించారు. ఈ చిత్రం ఎప్పుడు మొదలవుతుందనేది.. ఇంకా తెలియాల్సి ఉంది.