మహేష్ బాబుతో “మురారి” సినిమాలో రొమాన్స్ చేసిన పాపులర్ హీరోయిన్ సోనాలీ బింద్రే వివాహం అనంతరం సినిమాలకు దూరమై.. కొన్నాళ్లపాటు పలు రియాలిటీ షోలకు హోస్ట్ గానూ వ్యవహరించింది. అయితే.. గత కొన్ని నెలలుగా క్యాన్సర్ కారణంగా సోనాలీ విదేశాల్లో ట్రీట్ మెంట్ తీసుకొంటున్న విషయం కూడా తెలిసిందే. ఈ విషయాన్ని ఆమె స్వయంగా తన ట్విట్టర్ ఎకౌంట్ ద్వారా అందరికీ వెల్లడించడమే కాక.. ఎప్పటికప్పుడు ట్రీట్ మెంట్ అప్డేట్స్ కూడా అందరికీ అందిస్తూ ఉంది.
రీసెంట్ గా మహేష్ సతీమణి నమ్రతా శిరోధ్కర్ క్యాన్సర్ ట్రీట్ మెంట్ తీసుకొంటున్న సోనాలీ బింద్రేను, ఆమెకు తోడుగా ఆమె కొడుకును కలిసింది. ఆమెతో కొంత సమయం గడపడమే కాకుండా.. సోనాలీ బింద్రేపై ప్రశంసల వర్షం కురిపిస్తోంది. ఆమెలా గుండె నిబ్బరం కలిగిన మహిళను ఇప్పటివరకూ చూడలేదని చెబుతూ ఆమెను మెచ్చుకొంది. సోనాలీకి ఆల్రెడీ బాలీవుడ్ నుంచి సపోర్ట్ లభిస్తుండగా.. ఇప్పుడు టాలీవుడ్ నుంచి కూడా సపోర్ట్ లభిస్తుండడం సంతోషకరం.
