Balakrishna: నటుడిగా 50 ఏళ్లు పూర్తి చేసుకోనున్న బాలయ్య.. రేర్ రికార్డ్ అంటూ?

నందమూరి అందగాడు బాలకృష్ణ (Balakrishna) బ్యాక్ టు బ్యాక్ సినిమాలతో ప్రేక్షకులకు అంతకంతకూ దగ్గరవుతున్నారు. బాలయ్య బాబీ (Bobby) కాంబో మూవీ షూట్ శరవేగంగా జరుగుతుండగా ఊర్వశి రౌతేలా  (Urvashi Rautela) ఈ సినిమాలో కీలక పాత్రలో నటిస్తున్నారు. ఈ సినిమాలో మెయిన్ హీరోయిన్ ఎవరనే ప్రశ్నకు ఇప్పటివరకు సరైన సమాధానం దొరకలేదు. అయితే స్టార్ హీరో బాలయ్య నటుడిగా మరికొన్ని రోజుల్లో 50 సంవత్సరాలు పూర్తి చేసుకోనున్నారు. తాతమ్మ కల సినిమాతో నటుడిగా బాలయ్య కెరీర్ ను మొదలుపెట్టారు.

1974 సంవత్సరం ఆగష్టు నెల 29వ తేదీన ఈ సినిమా థియేటర్లలో విడుదలైంది. స్టార్ హీరో సీనియర్ ఎన్టీఆర్ (Sr NTR) కొడుకు బాలయ్య 50 సంవత్సరాలుగా నటుడిగా విజయవంతంగా కొనసాగించడం గమనార్హం. ఒక స్టార్ హీరో కొడుకు కూడా స్టార్ స్టేటస్ ను సొంతం చేసుకుని ఇన్నేళ్లు విజయాలు సాధిస్తూ కెరీర్ ను కొనసాగించడం బాలయ్యకే సాధ్యమైందని కామెంట్లు వినిపిస్తున్నాయి.

ఈ అరుదైన రికార్డ్ గురించి బాలయ్య ఏ విధంగా స్పందిస్తారో చూడాల్సి ఉంది. బాలయ్య బాబీ కాంబో మూవీకి వీరమాస్ అనే టైటిల్ ను పరిశీలిస్తున్నారని సమాచారం అందుతోంది. బాబీ డియోల్ ఈ సినిమాలో విలన్ రోల్ లో నటిస్తున్నారు. బాలయ్య బాబీ మూవీ ఈ ఏడాది రిలీజయ్యే అవకాశాలు అయితే లేదని తాజాగా క్లారిటీ వచ్చింది. బాలయ్య బ్యాక్ టు బ్యాక్ విజయాలతో కెరీర్ పరంగా సత్తా చాటాలని ఫ్యాన్స్ కోరుకుంటున్నారు.

బాలయ్య సినిమాలకు సంబంధించిన అప్ డేట్స్ కోసం ఫ్యాన్స్ ఒకింత ఆసక్తిగా ఎదురుచూస్తున్నారు. బాలయ్య బోయపాటి శ్రీను (Boyapati Srinu) కాంబో మూవీ అఖండ2 (Akhanda) అప్ డేట్ త్వరలో వచ్చే అవకాశాలు ఉన్నాయి. బాలయ్య నెక్స్ట్ లెవెల్ ప్రాజెక్ట్ లను ఎంచుకుంటే కెరీర్ పరంగా మరిన్ని భారీ విజయాలు దక్కే అవకాశాలు అయితే ఉంటాయని కామెంట్లు వ్యక్తమవుతూ ఉండటం గమనార్హం.