Mahesh Review On Kalki: మోస్ట్‌ అవైటెడ్‌ రివ్యూ వచ్చేసింది!.. ‘కల్కి’ గురించి మహేష్‌ మాటల్లో..!

తెలుగు సినిమాల రివ్యూల యందు మహేష్‌బాబు (Mahesh Babu) రివ్యూ వేరయా అని అంటుంటారు. ఆయన రివ్యూలకు అంతటి ఫ్యాన్‌ బేస్‌ ఉంది మరి. ఇతర హీరోల అభిమానులు కూడా మహేష్‌ రివ్యూ ఎప్పుడు వస్తుందా అని చూస్తుంటారు. అలాంటిది ఆయన ‘కల్కి 2898 ఏడీ’ (Kalki 2898 AD)  సినిమాకు రివ్యూ ఎప్పుడు ఇస్తారా? అని ఫ్యాన్స్‌, ప్రేక్షకులు ఎదురుచూస్తున్నారు. కాస్త లేట్‌ అయినా దేశంలోకి రాగానే సినిమా చూసి రివ్యూ ఇచ్చేశాడు మహేష్‌. ప్రభాస్‌ (Prabhas)  – నాగ్‌ అశ్విన్ (Nag Ashwin) కాంబినేషన్‌లో తెరకెక్కిన చిత్రం ‘కల్కి 2898 ఏడీ’.

ఈ సినిమా విడుదలైన తొలి రోజు నుండి ప్రశంసల వర్షం కురుస్తూనే ఉంది. సినీ, రాజకీయ ప్రముఖులు సినిమా టీమ్‌ను అభినందిస్తున్నారు. తాజాగా మహేశ్‌ బాబు ఎక్స్ (మాజీ ట్విటర్‌)లో పోస్ట్‌ చేశాడు. ‘కల్కి 2898 ఏడీ’ సినిమా టీమ్‌కు శుభాకాంక్షలు చెప్పరు. దాంతోపాటు తనదైన శైలిలో రివ్యూ ఇచ్చారు. ‘కల్కి 2898 ఏడీ’ సినిమా ఓ అద్భుతం.. జస్ట్‌ వావ్‌ అంతే. దర్శకుడు నాగ్‌ అశ్విన్‌ విజన్‌కు హ్యాట్సాఫ్‌. ప్రతి ఫ్రేమ్‌ ఓ కళాఖండంలా ఉంది.

అమితాబ్‌ బచ్చన్‌ (Amitabh Bachchan)  స్క్రీన్‌ ప్రజెన్స్‌కు ఎవరూ సరిరారు. కమల్‌ హాసన్‌ (Kamal Haasan) తనకు వచ్చిన ప్రతి పాత్రకు జీవం పోస్తారు. గొప్ప క్యారెక్టర్‌లో ప్రభాస్‌ చాలా సులభంగా నటించేశారు. దీపిక (Deepika Padukone) ఎప్పటిలాగే అద్భుతంగా కనిపించింది అంటూ ఒక్కొక్కరిని పొగిడేశాడు మహేష్‌. ఇంతటి భారీ విజయాన్ని అందుకున్న వైజయంతీ మూవీస్‌ బ్యానర్‌కు అభినందనలు చెప్పాడు మహేష్‌. ఈ పోస్టుకు దర్శకుడు నాగ్‌ అశ్విన్‌ ‘మీ అభినందనలు అందుకోవడం మా బృందానికి ఆనందంగా ఉంది’ అని రిప్లై ఇచ్చారు.

మరోవైపు నిర్మాణ సంస్థ కూడా మహేష్‌కు థ్యాంక్స్‌ చెప్పింది. మరోవైపు ఈ సినిమా ప్రపంచవ్యాప్తంగా 11 రోజుల్లో రూ.900 కోట్లకు (గ్రాస్‌) పైగా వసూలు చేసింది. త్వరలోనే రూ.1000 కోట్లు మార్కు చేరుకుంటుంది. టికెట్‌ రేట్లు తగ్గిన నేపథ్యంలో ఫుట్‌ ఫాల్స్‌ పెరుగుతాయని చిత్రబృందం ఎక్స్పెక్ట్‌ చేస్తోంది.