Balakrishna: స్టార్ హీరో బాలయ్య మనస్సు బంగారం అంటున్న అభిమానులు!

టాలీవుడ్ స్టార్ హీరోలలో ఒకరైన బాలయ్యకు (Balakrishna) ప్రేక్షకుల్లో ఏ స్థాయిలో క్రేజ్ ఉందో ప్రత్యేకంగా చెప్పాల్సిన అవసరం లేదు. బాలయ్య బాబీ (Bobby) కాంబో మూవీ షూటింగ్ శరవేగంగా జరుగుతుండగా ఈ నెలాఖరు నుంచి ఈ సినిమాకు సంబంధించిన యాక్షన్ సన్నివేశాల షూటింగ్ జరుగుతోందని సమాచారం అందుతోంది. అయితే తాజాగా బాలయ్య చిన్నారి చికిత్సకు సాయం చేసి వార్తల్లో నిలిచారు. చిన్నారి ఆరోగ్య స్థితి గురించి తెలుసుకున్న వెంటనే బాలయ్య తన మంచి మనస్సును చాటుకున్నారు.

Balakrishna

తూర్పు గోదావరి జిల్లాలోని కడియపులంకకు చెందిన రాజ్ కుమార్ పాండే కూతురు తీవ్ర అస్వస్థత వల్ల గత కొంతకాలం నుంచి ఇబ్బంది పడుతున్నారు. పాపకు మెరుగైన వైద్య చికిత్స అవసరం కావడంతో జనసేన ఎమ్మెల్యే కందుల దుర్గేష్ ఈ విషయాన్ని బాలయ్య దృష్టికి తీసుకొనిరాగా బసవతారకం ఆస్పత్రి ద్వారా చిన్నారికి వైద్య చికిత్స అందించేలా బాలయ్య కీలక నిర్ణయం తీసుకున్నారు.

చిన్నారి త్వరితగతిన కోలుకునేలా బాలయ్య ఆస్పత్రి వర్గాలకు ఆదేశాలు జారీ చేశారని సమాచారం అందుతోంది. బాలయ్య చిన్నారి వైద్యం విషయంలో హామీ ఇవ్వడంతో రాజ్ కుమార్ పాండే కుటుంబ సభ్యులు ఎంతో సంతోషిస్తున్నారు. రీల్ లైఫ్ లో అయినా రియల్ లైఫ్ లో అయినా బాలయ్య హీరోనే అని ఈ విషయంలో ఎలాంటి సందేహం అక్కర్లేదని నెటిజన్ల నుంచి కామెంట్లు వినిపిస్తున్నాయి.

ఊరమాస్ సినిమాలతో బిజీగా ఉన్న బాలయ్య బాబీ సినిమాతో మరో బ్లాక్ బస్టర్ హిట్ అందుకుంటారని ఫ్యాన్స్ భావిస్తున్నారు. బాలయ్య బాబీ కాంబో బాక్సాఫీస్ ను షేక్ చేసే కాంబో అవుతుందని బ్లాక్ బస్టర్ హిట్ లోడింగ్ అంటూ అభిమానులు కామెంట్లు చేస్తున్నారు. బాలయ్య పాన్ ఇండియా ప్రాజెక్ట్స్ పై ఫోకస్ పెడుతూ బ్యాక్ టు బ్యాక్ విజయాలను అందుకోవడానికి తన వంతు కష్టపడుతున్నారు.

లైనప్‌పై క్లారిటీ ఇచ్చేసిన నాని.. ఎప్పుడు ఏ సినిమా అంటే?