Balakrishna: ఆ సినిమా సెట్‌కి బాలయ్య ఎందుకెళ్లాడబ్బా.. ఏంటి స్పెషల్‌ న్యూసా?

దసరా తర్వాత వచ్చిన ఆదివారం కావడంతో నిన్నంతా ఓ సరదా వాతావరణమే ఉంది. అయితే బాలకృష్ణ (Balakrishna)  అభిమానులకు మాత్రం సాయంత్రానికి ఓ స్పెషల్‌ న్యూస్‌ లాంటిది ఒకటి వచ్చింది. ఓ హిందీ సినిమా సెట్‌లోకి బాలయ్య వెళ్లినట్లు కొన్ని ఫొటోలు వచ్చాయి. అయితే ఆ సినిమా నిర్మాణ సంస్థ తెలుగుదేనండి. ఆ విషయం వదిలేస్తే బాలయ్య ఆ సినిమా సెట్‌కి ఎందుకెళ్లారు? ఏంటి స్పెషల్‌ అని ప్రశ్నలు మొదలయ్యాయి. బాలయ్య సడన్‌ సర్‌ప్రైజ్‌ ఇచ్చింది దర్శకుడు గోపీచంద్‌ మలినేనికి (Gopichand Malineni).

Balakrishna

సన్నీ డియోల్‌తో (Sunny Deol) గోపీచంద్‌ ఓ సినిమాను తెరకెక్కిస్తున్నారు. మైత్రీ మూవీ మేకర్స్‌ నిర్మిస్తున్న ఆ సినిమా సెట్‌లోకే బాలయ్య వచ్చారు. దానికి సంబంధించి సెట్స్ నుండి కొన్ని ఫోటోలు రిలీజ్ చేశారు. బాలయ్య డిఫరెంట్‌ లుక్‌లో కనిపించడం, బాలీవుడ్‌ స్టార్‌ హీరోతో ఉండటంతో ఆ ఫొటోలు వైరల్ అవుతున్నాయి. అలాగే ఎందుకు కలిసినట్లు అనే మాటలూ వినిపిస్తున్నాయి. కొంతమంది అయితే ఓవైపు తమ్ముడితో బాబీ సినిమాలో వైరం పెట్టుకుని..

ఇక్కడ అన్నతో స్నేహం చేస్తున్నారా అంటూ సరదాగా కామెంట్స్‌ చేస్తున్నారు. బాబీ (Bobby) డైరక్షన్‌లో రూపొందుతున్న సినిమాలో బాలయ్య ప్రస్తుతం నటిస్తున్న విషయం తెలిసిందే. బాలయ్య 109వ సినిమా రూపొందుతున్న ఈ చిత్రంలో బాబీ డియోల్‌ (Bobby Deol) విలన్‌ అనే విషయం తెలిసిందే. ఇక సన్నీ ఆయనకు అన్నయ్య అనే విషయమూ తెలిసిందే. అయితే ఈ ఫొట్లో బాబీ లేడు.

బాబీ డైరక్షన్‌లో రూపొందుతున్న సినిమా గురించి చూస్తే.. ఈ దీపావళికి సినిమా టీజర్‌ను రిలీజ్‌ చేస్తారు అని చెబుతున్నారు. ఈ సినిమాకు ‘సర్కార్‌ సీతారమ్‌’ ‘డాకూ మహారాజ’ అనే రెండు పేర్లు పరిశీలిస్తున్నారట. దీపావళికి టైటిల్‌ విషయంలోనూ క్లారిటీ వస్తుంది. ఇక ఈ సినిమాను సంక్రాంతి సందర్భంగా రిలీజ్‌ చేయాలని ప్లాన్‌ చేస్తున్నారు. ఎందుకంటే బాలయ్యకు పొంగల్‌ ఫైట్‌ బాగా కలిసొస్తుంది కాబట్టి. చూడాలి మరి డేట్‌ విషయం ఎప్పుడు చెబుతారో?

ఈ వారం థియేటర్/ ఓటీటీలో విడుదల కానున్న 18 సినిమాలు/ సిరీస్..ల లిస్ట్.!