నాని టైటిల్ పాత్రల్లో తన కెరీర్ లో రెండోసారి ద్విపాత్రాభినయం పోషిస్తున్న చిత్రం “కృష్ణార్జున యుద్ధం”. మేర్లపాక గాంధీ దర్శకత్వంలో తెరకెక్కుతున్న ఈ చిత్రం ఏప్రిల్ 12న విడుదలకు సిద్ధమవుతుంది. నాని సరసన అనుపమ పరమేశ్వరన్, రుక్సర్ మీర్ కథానాయికలుగా నటిస్తున్నారు. ఇటీవల విడుదలైన ఫస్ట్ లుక్, ఫస్ట్ సాంగ్ ను రిలీజ్ చేయగా మంచి రెస్పాన్స్ వచ్చింది. ఈ చిత్రంలోని నాని మరో లుక్ అర్జున్ క్యారెక్టర్ లుక్ ఇంకా తెలియాల్సి ఉండగా.. ఈ సినిమాలో నాని పోషించబోయే పాత్రలేమిటనే విషయంలో క్లారిటీ వచ్చింది.
నాని రెండు క్యారెక్టర్స్ ప్లే చేస్తుండగా.. అందులో ఒకటి కృష్ణ, రెండో అర్జున్. కృష్ణ ఉరమాస్ రోల్. పల్లెటూరి యువకుడిగా కనిపించనున్నాడు నాని. దొంగ క్యారెక్టర్ అని టాక్. ఇక అర్జున్ అనేది లండన్ రోల్, రాక్ స్టార్ గా కనిపిస్తాడట. రెండు క్యారెక్టర్స్ కి మీసకట్టు మినహా పెద్దగా మార్పులేవీ ఉండవట. అయితే.. వేషధారణతోపాటు యాస పరంగానూ భారీ వేరియషన్ ఉంటుందట. నేచురల్ స్టార్ నాని తన నట విశ్వరూపం ఈ చిత్రంలో చూపించనున్నాడని వినికిడి.
ఇకపోతే.. ఇటీవల జరిగిన చిన్న యాక్సిడెంట్ కారంగా ప్రస్తుతం రెస్ట్ తీసుకొంటున్న నాని, వారం తర్వాత నుంచి మళ్ళీ షెడ్యూల్ లో పాల్గొంటాడు. గతేడాది ఏకంగా మూడు రిలీజులతో హల్ చల్ చేసిన నాని.. ఈ ఏడాది కూడా మూడు సినిమాలో ప్రేక్షకులను పలకరించనున్నాడు.
Home