‘హిట్‌ 2’ అనౌన్స్‌మెంట్‌తోపాటే సస్పెన్స్‌ క్రియేట్‌ చేసిన నాని

థ్రిల్లర్‌ సినిమాల్లో సస్పెన్స్‌ చాలా బాగుంటుంది. ఆ సస్పెన్స్‌ లేకపోతే అలాంటి సినిమాలు చూసినా పెద్ద ఉపయోగం ఉండదు. అయితే అలాంటి సినిమాల అనౌన్స్‌మెంట్‌లోనే సస్పెన్స్‌ ఉంటే… ఇంకా బాగుంటుంది అంటారా. అయితే మీ లాంటి వారి కోసమే నాని ఓ అనౌన్స్‌మెంట్‌ చేశాడు. అందులో సగమే చెప్పి సస్పెన్స్‌ పెట్టేశాడు. గతేడాది విజయవంతమైన చిత్రాల్లో ‘హిట్‌’ ఒకటి. ఈ సినిమా వచ్చి ఏడాది పూర్తయిన సందర్భంగా ఆ చిత్ర నిర్మాత అయిన నాని ‘హిట్‌ 2’ను ప్రకటించాడు. అక్కడే సస్పెన్స్‌ కూడా పెట్టాడు.

‘హిట్‌’లో విశ్వక్‌ సేన్‌ కథానాయకుడు. ‘హిట్‌ 2’లోనూ అతనే హీరోగా కొనసాగుతాడు. ఇక్కడివరకు బాగుంది. అయితే ఈ సినిమాలో ఇంకో హీరో కూడా ఉంటాడట. ‘‘కనిపించకుండా పోయిన ఓ అమ్మాయి కేసుని .. తెలంగాణ రాష్ట్రానికి చెందిన హిట్‌ (హోమిసైడ్‌ ఇంటర్‌వెన్షన్‌ టీమ్‌) ఆఫీసర్‌ విక్రమ్‌ రుద్రరాజు ఎలా డీల్‌ చేశాడనేది ‘హిట్‌ *. ఈసారి ఆంధ్రప్రదేశ్‌ రాష్ట్రానికి చెందిన హిట్‌ ఆఫీసర్‌ కె.డి తో కలిసి విక్రమ్‌ రుద్రరాజు చేసిన ఉత్కంఠభరిత ప్రయాణం ‘హిట్‌ 2’ అని నాని ట్వీట్‌ చేశాడు.

ఇంత చెప్పిన నాని ఆ కె.డి ఎవరు అనేది కూడా చెప్పాలి కదా. విశ్వక్‌ సేన్‌ సినిమా అందులోనూ చిన్న బడ్జెట్‌ కాబట్టి పెద్ద హీరోలు ఎవరూ ఉండరు. పోనీలే నానినే చేస్తాడు అనుకుంటే… ‘వి’ ఎఫెక్ట్‌తో ఇప్పట్లో మళ్లీ అలాంటి సినిమాలు కష్టమే. కాబట్టి విశ్వక్‌సేన్‌ రేంజి హీరోనే ఎంచుకుంటారు. లేదా కొత్త కుర్రాడు ఎవరినైనా చూస్తారు. ‘ఏవండోయ్‌ నానిగారు.. ఏంటండి ఈ సస్పెన్స్‌’ వివరాలు చెప్పేయొచ్చు కదా.

Most Recommended Video

తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
నాని కొన్ని హిట్ సినిమాలను కూడా మిస్ చేసుకున్నాడు..!