అష్టాచమ్మా, గోల్కొండ హైస్కూల్, ఉయ్యాలా జంపాలా వంటి సూపర్ హిట్ సినిమాలతో అభిరుచి గల నిర్మాతగా గుర్తింపు తెచ్చుకున్నారు పి రామ్మోహన్. ఉయ్యాలా జంపాల, సోగ్గాడే చిన్ని నాయనా వంటి సినిమాలతో రచయితగాను భేషైన మార్కులు పొందిన రామ్మోహన్ నుండి వస్తోన్న తాజా చిత్రం ‘పిట్టగోడ’. ఆద్యంతం ఆహ్లాదకర నేపథ్యంలో సినిమాలు రూపొందించే ఈయన సినిమాల పేర్లన్నీ ప్రత్యేకంగా ఉంటాయి. ఆ జాబితాలో తాజాగా ‘పిట్టగోడ’ కూడా చేరింది.
అనుదీప్ కేవీ దర్శకుడిగా పరిచయమవుతున్న ఈ సినిమాలో విశ్వనాథ్ రాచకొండ, పునర్నవి భూపాళం హీరో హీరోయిన్లుగా నటిస్తున్నారు. చిత్రీకరణ పూర్తి చేసుకున్న ఈ సినిమా ఓ వైపు నిర్మాణాంతర కార్యక్రమాలు జరుపుకుంటూనే ప్రచారంలోకి అడుగెట్టింది. ఇటీవల ఈ సినిమా ప్రీ లుక్ విడుదల కాగా రేపు (నవంబర్ 25) సాయంత్రం 6 గంటలకు నేచురల్ స్టార్ నాని ఫస్ట్ లుక్ రిలీజ్ చేయనున్నారు. రామ్మోహన్ నిర్మాణంలో రూపొందిన పలు చిత్రాలకు సమర్పకుడిగా వ్యవహరించిన సురేష్ బాబు ఈ సినిమాతోనూ ఆ అనుబంధాన్ని కొనసాగిస్తున్నారు. లవ్, ఫ్రెండ్షిప్ ప్రధానాంశంగా గోదావరి ఖని బ్యాక్డ్రాప్లో పూర్తి వినోదాత్మక ఈ చిత్రాన్ని మలిచారని సమాచారం.
Also, do SUBSCRIBE to our YouTube channel to get latest Tollywood updates.
