పవర్ స్టార్ పవన్ కళ్యాణ్ పేరిట ఉన్న వరుసగా ఏడు విజయాల రికార్డును నేచురల్ స్టార్ నాని సమం చేశారు. వరుసగా ఎనిమిదవ విజయాన్ని అందుకోవడానికి రెడీ అవుతున్నారు. ప్రస్తుతం నాని యువ దర్శకుడు మేర్లపాక గాంధీ దర్శకత్వంలో “కృష్ణార్జున యుద్ధం” సినిమా చేస్తున్నారు. నాని ద్విపాత్రాభినయం చేస్తున్న ఈ చిత్ర షూటింగ్ చివరి దశకు చేరుకుంది. ఈ మూవీ ఏప్రిల్ 13 న రిలీజ్ కానుంది. దీని తర్వాత శ్రీరామ్ ఆదిత్య డైరెక్ష‌న్‌లో మల్టీ స్టారర్ మూవీ చేయనున్నారు. అలాగే కిశోర్ తిరుమల కథని పక్కన పెట్టి అవసరాల శ్రీనివాస్ కథని గ్రీన్ సిగ్నల్ ఇచ్చారు. తాజాగా మరో కథని కూడా ఫైనల్ చేసినట్లు తెలిసింది.
పవన్ కళ్యాణ్ కాటమరాయుడు సినిమా తర్వాత యువ దర్శకుడు సంతోష్ శ్రీనివాస్ దర్శకత్వంలో నటించడానికి ఒకే చెప్పారు. అయితే మధ్యలో త్రివిక్రమ్ రావడంతో అజ్ఞాతవాసి చేశారు. దీని తర్వాత ప్రజల్లోకి వెళ్లారు. జనసేన పార్టీ ని బలోపేతం చేయడానికి రంగంలోకి దిగారు. దీంతో ఆ కథని నాని కి సంతోష్ శ్రీనివాస్ రీసెంట్ గా వినిపించారని టాక్. స్టోరీ సూపర్ గా ఉండడంతో నాని కూడా ఒకే చెప్పారంట. హీరో, డైరక్టర్ సెట్ కావడంతో మైత్రి మూవీస్ బ్యానర్ వారు నిర్మించడానికి సిద్ధమయ్యారు. ఈ సినిమా గురించి అధికారికంగా త్వరలో ప్రకటించనున్నారు.
Home