జెర్సీ సినిమాపై షాకింగ్ కామెంట్లు చేసిన నాని..?

March 25, 2021 / 12:04 PM ISTByFilmy Focus

Join Us

జెర్సీ సినిమాపై షాకింగ్ కామెంట్లు చేసిన నాని..?

నేచురల్ స్టార్ నాని తెలుగులో వరుస విజయాలను సొంతం చేసుకుంటూ యూత్, ఫ్యామిలీ ఆడియన్స్ కు నచ్చే కథలలో ఎక్కువగా నటిస్తున్నారు. మినిమం గ్యారంటీ హీరోగా పేరు తెచ్చుకున్న నాని నటించిన జెర్సీ సినిమాకు ఉత్తమ జాతీయ చిత్రంగా అవార్డ్ రావడంతో గత రెండు రోజులుగా నాని పేరు తెలుగు రాష్ట్రాల్లో మారుమ్రోగుతోంది. నాని అద్బుతమైన నటనే ఒక విధంగా జెర్సీ సినిమాకు అవార్డ్ రావడానికి కారణమైంది. జెర్సీ సినిమాకు అవార్డులు రావడం గురించి స్పందించిన నాని ఆసక్తికర వ్యాఖ్యలు చేశారు. భవిష్యత్తులో చేయబోయే సినిమాలపై జెర్సీ సినిమాకు వచ్చిన అవార్డ్ ఒత్తిడిని పెంచిందని..

జెర్సీ సినిమా ఒక విధంగా తనపై బాధ్యతను కూడా పెంచిందని నాని అన్నారు. ప్రస్తుతం నాని చేతిలో మూడు సినిమాలు ఉన్నాయి. శివ నిర్వాణ డైరెక్షన్ లో తెరకెక్కుతున్న టక్ జగదీష్, రాహుల్ సాంకృత్యాన్ డైరెక్షన్ లో తెరకెక్కుతున్న శ్యామ్ సింగరాయ్, వివేక్ ఆత్రేయ డైరెక్షన్ లో తెరకెక్కుతున్న అంటే సుందరానికి సినిమాలలో నాని నటిస్తున్నారు. ఈ ఏడాదే ఈ మూడు సినిమాలు విడుదలయ్యే అవకాశాలు కనిపిస్తున్నాయి. గతేడాది నాని నటించి ఓటీటీలో విడుదలైన వీ సినిమా ఫలితం నిరాశపరిచిన నేపథ్యంలో ప్రస్తుతం నటిస్తున్న సినిమాలతో సక్సెస్ ట్రాక్ లోకి రావాలని నాని భావిస్తున్నారు.

టక్ జగదీష్ సినిమాతో నిన్ను కోరి సినిమాను మించిన సక్సెస్ ను ఖాతాలో వేసుకుంటానని నాని బలంగా నమ్ముతున్నారు. మరోవైపు నాని రెమ్యునరేషన్ ను పెంచేసినట్టు కూడా ఇండస్ట్రీ వర్గాల్లో ప్రచారం జరుగుతోంది. కరోనాకు ముందు వరకు 10 కోట్ల రూపాయలకు అటూఇటుగా రెమ్యునరేషన్ తీసుకున్న నాని ప్రస్తుతం 14 కోట్ల రూపాయలకు అటూఇటుగా తీసుకుంటున్నారని తెలుస్తోంది. శ్యామ్ సింగరాయ్ సినిమా నుంచి నాని ఈ రెమ్యునరేషన్ ను తీసుకుంటున్నారని సమాచారం.