టాలీవుడ్లో రీసెంట్‌ టైమ్‌లో రక్తపాతం నిండా ఉన్న సినిమా ఏదైనా ఉందా అని లిస్ట్ రాస్తే… అందులో కచ్చితంగా ఉండే సినిమా ‘దసరా’(Dasara) . నాని (Nani) , శ్రీకాంత్‌ ఓదెల (Srikanth Odela) కాంబినేషన్‌లో రూపొందిన ఈ సినిమాకు బాక్సాఫీసు దగ్గర బ్లాక్‌బస్టర్‌ ఆదరణ లభించింది. రికార్డు వసూళ్లతో సినిమాను ప్రజలు ఆశీర్వదించారు. ఇదంతా జరిగి ఏడాది అయిపోయింది. ఈ నేపథ్యంలో వార్షికోత్సవాన్ని పురస్కరించుకుని చిత్రబృందం కొత్త సినిమాను అనౌన్స్‌ చేసింది. అవును ‘దసరా’ కాంబినేషన్‌లో కొత్త సినిమా అనౌన్స్‌ అయింది.
పోస్టర్‌ చూస్తుంటే ఈసారి మరో లెవల్‌ రక్తపాతం ఉండేలా ఉంది. సుధాకర్‌ చెరుకూరి (Sudhakar Cherukuri) నిర్మాణంలో శ్రీకాంత్‌ ఓదెల తెరకెక్కించిన ‘దసరా’ సినిమా కలయికలోనే ఈ సినిమా ఉండబోతోంది. అయితే ఈ సినిమా ‘దసరా’కు సీక్వెల్‌ కాదు అంటున్నారు. సినిమా ప్రీలుక్‌లో నాని నాని గడ్డం, మెలితిప్పిన మీసంతో మాస్ లుక్‌లో కనిపించాడు. ‘నాయకుడిగా ఉండటానికి గుర్తింపు అవసరం లేదు’ అని ప్రీలుక్‌తోపాటు రాస్తే… ‘విప్లవం ప్రారంభమయ్యే ముందు హింస దాని సరైన రూపాన్ని తీసుకుంటుంది’ అని నిర్మాణ సంస్థ రాసుకొచ్చిది.
నాని ఈ సినిమాలో మొదటిసారి మాస్ లీడర్‌గా కనిపిస్తాడట. 80, 90ల నాటి కథ ఇది అని కూడా అంటున్నారు. దీని బట్టి చూస్తే… నాని – శ్రీకాంత్‌ ఈసారి మరో భారీ మాస్ యాక్షన్‌ కథాంశాన్ని ఎంచుకున్నారు అనిపిస్తోంది. నాని 33వ చిత్రంగా రాబోతున్న ఈ ప్రాజెక్ట్‌ వచ్చే ఏడాది వేసవిలో రిలీజ్‌ అవుతుంది అని అంటున్నారు. ఇక నాని ప్రస్తుతం ‘సరిపోదా శనివారం’ (Saripodhaa Sanivaaram) అంటూ ఎవరూ ఊహించని సబ్జెక్టుతో వివేక్ ఆత్రేయ (Vivek Athreya) డైరెక్షన్‌లో నటిస్తున్నాడు.
ఆ తర్వాత సుజిత్‌తో (Sujeeth) పాన్ ఇండియా సినిమాలో నటిస్తాడు. ‘బలగం’ (Balagam) దర్శకుడితో తెలంగాణ నేపథ్యంలో ‘ఎల్లమ్మ’ అనే మరో సినిమా చేస్తాడని టాక్‌. ఈ సినిమా వచ్చే ఏడాది ఆఖరులో ఉండొచ్చు. సుజిత్ సినిమా షూటింగ్‌ త్వరలోనే ప్రారంభమవుతుందట. ఈ ఏడాది డిసెంబరులో రిలీజ్‌ చేయాలని చూస్తున్నారట. ఈ లెక్కన ఇది నాలుగో సినిమా. అయితే ఇవన్నీ మాస్ సినిమాలే కావడం గమనార్హం.
