మహేష్ మహర్షి కథ తెలిసి భయపడుతున్న నాని

ఒకే తరహా కథతో కానీ మూల కథతో కానీ.. సినిమాలు తెరకెక్కడం అనేది తెలుగు చిత్రసీమలో మాత్రమే కాదు ప్రపంచ సినిమా విషయంలో కూడా చాలా రెగ్యులర్ గా జరిగే విషయం. అయితే.. ఇప్పుడు ఇదే సిమిలారిటీ ఇష్యూస్ తో భయపడుతున్నాడు నేచురల్ స్టార్ నాని. నాని నటిస్తున్న తాజా చిత్రం “జెర్సీ” మూలకథ.. మహేష్ బాబు హీరోగా తెరకెక్కుతున్న “మహర్షి” సినిమా మూలకథ ఇంచుమించుగా ఒకేలా ఉన్నాయట. నిన్నమొన్నటివరకూ ఈ విషయం ఎవరికీ తెలియదు. కానీ.. ఇటీవల “మహర్షి” కథ విన్న నాని ఈ విషయాన్ని గ్రహించి వెంటనే దర్శకుడు గౌతమ్ కి చెప్పాడట.

రెండు డిఫరెంట్ జోనర్ సినిమాలు అయినప్పటికీ.. ఈ మూల కథ ఒకేలా ఉండడం ఏమైనా ఎఫెక్ట్ అవుతుందేమోనని భయపడుతున్నాడు నాని. ముఖ్యంగా.. రెండు సినిమాలు ఏప్రిల్ లోనే విడుదలవుతుండడంతో ప్రేక్షకులు రెండు సినిమాలను కంపేర్ చేసే అవకాశం పుష్కలంగా ఉంది. సో, ఇప్పుడు ఆ మూలకథలో ఏమైనా మార్పులు చేద్దామా లేక ధైర్యం చేసి ముందు రాసుకొన్నట్లుగానే కంటిన్యూ అవుదామా అని ఆలోచనలో ఉన్నారట నాని & గ్యాంగ్.