Nani-Sujith : సుజిత్ – నాని కాంబోలో తెరకెక్కే సినిమాలో హీరోయిన్ ఎవరో తెలుసా..?

February 2, 2026 / 05:19 PM ISTByFilmy Focus Desk

Join Us

టాలీవుడ్‌లో ఈ మధ్య ప్రేక్షకులు రిపీట్ జోడీలకంటే ఫ్రెష్ కాంబినేషన్లకే ఎక్కువ మొగ్గు చూపుతున్న సంగతి తెలిసిందే. అదే దిశగా దర్శక, నిర్మాతలు కూడా కొత్త జోడీలతో, కొత్త కథలతో ప్రేక్షకులను ఆకట్టుకునే ప్రయత్నం చేస్తున్నారు. ఈ క్రమంలోనే ఇప్పుడు మరో ఆసక్తికరమైన ప్రాజెక్ట్ టాక్ ఆఫ్ ది టౌన్‌గా మారింది.

Nani-Sujith

నేచురల్ స్టార్ నాని వరుస హిట్లతో దూసుకుపోతూనే, హీరోగా మాత్రమే కాదు నిర్మాతగా కూడా తనదైన ముద్ర వేస్తున్నారు. తాజాగా ‘ఓజీ’తో భారీ అంచనాల నడుమ పవర్ స్టార్ అభిమానులను మెప్పించిన దర్శకుడు సుజిత్ తో నాని ఓ బిగ్ బడ్జెట్ సినిమాకు సిద్ధమవుతున్నారన్న వార్తలు అభిమానుల్లో ఆసక్తిని పెంచుతున్నాయి. ఈ మూవీ రెగ్యులర్ షూటింగ్ ఈ ఏడాది జూన్ నుంచి ప్రారంభమయ్యే అవకాశముందని సమాచారం. ఇందులో నానిని ఇప్పటివరకు చూడని విధంగా, స్టైలిష్ లుక్‌తో పవర్‌ఫుల్ పాత్రలో చూపించనున్నారట.

Pooja Hegde

ఇక తాజా అప్‌డేట్ ప్రకారం ఈ సినిమాలో నాని సరసన పూజా హెగ్దేను హీరోయిన్‌గా ఎంపిక చేసినట్లు ఒక వార్త బాగా వినిపిస్తోంది. ఇది నాని-పూజా హెగ్దే కు కూడా మొదటిసారి కావడంతో అభిమానులు ఉత్సాహం వ్యక్తం చేస్తుండగా, మరి కొందరు మాత్రం ఆమె గత చిత్రాల ఫలితాలపై చర్చ మొదలుపెట్టారు. వరుస ఫ్లాప్‌ల తర్వాత వచ్చిన ఈ అవకాశం ఆమెకు టర్నింగ్ పాయింట్ అవుతుందా? లేక అనుమానాలే నిజమవుతాయా? అన్నది చూడాలి.

నాని గతంలో ‘దసరా’, ‘హాయ్ నాన్న’ లాంటి చిత్రాలతో తన వర్సటిలిటీని నిరూపించుకున్నారు. ప్రస్తుతం ఈ సుజిత్ ప్రాజెక్ట్‌తో పాటు మరో రెండు సినిమాలను కూడా లైనప్‌లో పెట్టుకున్నారని టాక్. మరి ఈ ఫ్రెష్ కాంబో ప్రేక్షకులను ఎంతవరకు ఆకట్టుకుంటుందో వేచి చూడాల్సిందే.