మళ్ళీ ఈగ తరహా పాత్రలో నటించినున్న నాని!

అనుష్క టైటిల్ పాత్రలో రూపొందిన “భాగమతి” విడుదలై ఏడు నెలలు పూర్తవుతోంది. ఇప్పటివరకూ స్వీటీ మరో సినిమా సైన్ చేయలేదు సరికదా కొత్త కథలు కూడా వినడం లేదట. ఇంకా సన్నబడడం మీదే కాన్సన్ ట్రేట్ చేస్తున్న స్వీటీ తాను ఒక ఆరు నెలల క్రితం ఒప్పుకొన్న చంద్రశేఖర్ ఏలేటి సినిమాను సెట్స్ మీదకు తెచ్చేందుకు ప్రయత్నాలు చేస్తోందట. రెగ్యులర్ ఫార్మాట్ మూవీస్ కాకుండా డిఫరెంట్ సినిమాలు తీయడానికి ప్రాధాన్యత ఇచ్చే చంద్రశేఖర్ ఏలేటి “అనగనగా ఒకరోజు” తరహాలో అనుష్క కోసం ఓ లేడీ ఓరియెంటెడ్ ఫిలిమ్ రాసుకొన్నాడు. ఈ చిత్రాన్ని మైత్రీ మూవీ మేకర్స్ సంస్థ నిర్మించాలని ప్లాన్ చేసిందట.

అయితే.. తాజా సమాచారం ప్రకారం ఈ సినిమాలో నాని కూడా ఓ ముఖ్యపాత్ర పోషిస్తున్నాడని తెలుస్తోంది. సినిమాలో కీలకపాత్రే అయినప్పటికీ నాని కనిపించేది తక్కువసేపే. అంటే “ఈగ” సినిమా తరహాలో కనిపించేది కాసేపే అయినా ఇంపాక్ట్ మాత్రం గట్టిగా ఉంటుందని టాక్. అన్నీ అనుకున్న ప్రకారం జరిగితే సెప్టెంబర్ లేదా అక్టోబర్ లో సినిమా సెట్స్ కు వెళుతుంది. మరి ఈలోపు స్వీటీ ఇంకాస్త సన్నబడి మళ్ళీ బ్యాక్ టు షేప్ & వర్క్ కి వచ్చేస్తుందేమో చూడాలి