మరోసారి నిర్మాతగా మారుతున్న నాని

నేచురల్ స్టార్ గా నవరసాలు పండిస్తూ వరుస విజయాలతో దూసుకుపోతున్న నాని త్వరలో మరో అవతారమెత్తబోతున్నాడు. ఇదివరకే “డి ఫర్ దోపిడి” చిత్రానికి “ఒన్ ఆఫ్ ది ప్రొడ్యూసర్”గా వర్క్ చేసిన నాని త్వరలో పూర్తి స్థాయి నిర్మాతగా మారనున్నాడు. “డైలాగ్ ఇన్ ద డార్క్” అనే షార్ట్ ఫిలిమ్ తో యావత్ సినిమా ఇండస్ట్రీని తనవైపుకు తిప్పుకొన్న యువ ప్రతిభాశాలి ప్రశాంత్ చెప్పిన ఒక వైవిధ్యమైన కథ నచ్చడంతో.. అతడ్ని దర్శకుడిగా ఇంట్రడ్యూస్ చేసే బాధ్యతను తనపై వేసుకొన్నాడు నాని.

ప్రస్తుతం.. “కృష్ణార్జున యుద్ధం, ఎం.సి.ఎ” చిత్రాల షూటింగ్ లో బిజీగా ఉన్న నానీ.. ఇకపై చిన్న బడ్జెట్ లో కాన్సెప్ట్ చిత్రాలు నిర్మించేందుకు సన్నాహాలు చేసుకొంటున్నాడు. అందుకోసం తన సన్నిహితులతో కలిసి త్వరలోనే ఒక బ్యానర్ ను పెట్టే ఆలోచనలో నాని ఉన్నట్లు తెలుస్తోంది. అందుకు సంబంధించిన పూర్తి వివరాలు త్వరలోనే తెలుస్తాయి.

Also, do SUBSCRIBE to our YouTube channel to get latest Tollywood updates.