సూపర్ ఫాస్ట్ గా వెళ్తోన్న నాని

నేచురల్ స్టార్ నాని సూపర్ ఫాస్ట్ వేగంతో దూసుకు పోతున్నారు. ఆయన నటించిన “నేను లోకల్” మూవీ సూపర్ హిట్ టాక్ తో థియేటర్లలో ఉండగానే మరో చిత్రాన్ని సెట్స్ మీదకు తీసుకెళ్లారు. ఆ మూవీ షూటింగ్ పూర్తికాకముందే నెక్స్ట్ చిత్రాన్ని ఒకే చేశారు. నాని ప్రస్తుతం నూతన దర్శకుడు శివ నిర్వాన డైరెక్షన్లో 19వ సినిమా చేస్తున్నారు. డివివి దానయ్య నిర్మిస్తున్న ఈ మూవీ అమెరికాలోని సాన్ ఫ్రాన్సిస్కో, లాస్ ఏంజిల్స్ వంటి ఆకర్షణీయమైన లోకేషన్లలోచిత్రీకరణ జరుపుకుంటోంది. దీనికి సంబంధించిన పోస్టర్ ని శుక్రవారం రిలీజ్ చేశారు. “నిన్ను కోరి” అనే టైటిల్ తో ఉన్న నాని లుక్  యూత్ ని ఆకట్టుకుంది.

ఈ మూవీ తర్వాత ఓ మై ఫ్రెండ్ ఫేమ్ వేణు శ్రీరామ్ దర్శకత్వంలో నటించేందుకు ఒకే చెప్పారు.  ప్రముఖ నిర్మాత దిల్ రాజు నిర్మించనున్న సినిమాకి తొలుత  “మాస్ హీరో” అని టైటిల్ ని అనుకున్నారు. తాజాగా ‘ఎంసీఏ’ అని పేరు పెట్టారు. నేను లోకల్‌’లో బీటెక్‌ బాబుగా కనిపించిన నాని తదుపరి చిత్రంలో ‘ఎంసీఏ’ చేయబోతున్నాడా? అని రీల్ లో కాలేయకండి…  ‘ఎంసీఏ’ అంటే మిడిల్ క్లాస్ అబ్బాయి అని అర్ధం. టైటిల్ ల్లోనే ఇంత ట్విస్ట్ ఉంటే.. సినిమాలో ఇంకెన్ని ట్విస్టులుంటాయో చూడాలి.

Also, do SUBSCRIBE to our YouTube channel to get latest Tollywood updates.