Dasara Movie: నాని ‘దసరా’.. థియేట్రికల్ రైట్స్ ఎంతకు అమ్మారంటే..?

టాలీవుడ్ యంగ్ హీరో నాని ఇటీవల ‘అంటే సుందరానికి’ సినిమాతో ప్రేక్షకుల ముందుకు వచ్చారు. ఈ సినిమాపై నాని ఎన్నో ఆశలు పెట్టుకున్నారు. కానీ సినిమాకి ఆశించిన స్థాయిలో సక్సెస్ కాలేకపోయింది. ఇదిలా ఉండగా.. ప్రస్తుతం ఈ హీరో ‘దసరా’ అనే సినిమాలో నటిస్తున్నారు. శ్రీకాంత్ ఓదెల అనే కొత్త దర్శకుడు ఈ సినిమాతో పరిచయం కానున్నారు. సుధాకర్ చెరుకూరి నిర్మిస్తున్న ఈ సినిమాలో కీర్తి సురేష్ హీరోయిన్ గా నటిస్తుంది.

సింగరేణి బొగ్గు గనుల నేపథ్యంలో ఈ సినిమాను రూపొందిస్తున్నారు. ఇప్పటివరకు విడుదలైన ఈ సినిమా పోస్టర్స్, టీజర్ మంచి బజ్ ని క్రియేట్ చేశాయి. దానికి తగ్గట్లే సినిమా బిజినెస్ కూడా జరుగుతోంది. ఇప్పటికే నాన్ థియేట్రికల్ రైట్స్ ని అమ్మేసినట్లు తెలుస్తోంది. ఒక్క నాన్ థియేట్రికల్ రైట్స్ రూపంలోనే రూ.50 కోట్లు వచ్చి చేరాయి. ఇప్పుడు థియేట్రికల్ రైట్స్ ను కూడా అమ్మేశారట. చదలవాడ శ్రీనివాసరావు రూ.27 కోట్లు చెల్లించి ‘దసరా’ థియేట్రికల్ రైట్స్ ను దక్కించుకున్నట్లు తెలుస్తోంది.

ఇంకా ఓవర్సీస్ బిజినెస్ జరగలేదు. దానికి కూడా భారీ మొత్తాన్నే కోట్ చేస్తున్నట్లు తెలుస్తోంది. ఇప్పటివరకు అయితే రూ.80 కోట్లకు దగ్గరగా సినిమా బిజినెస్ జరిగింది. ఇక ఈ సినిమా నాని కెరీర్ లోనే హయ్యెస్ట్ బడ్జెట్ తో తెరకెక్కుతోంది. అరవై కోట్ల రేంజ్ లో బడ్జెట్ అనుకున్నారు కానీ ఇప్పుడు డెబ్భై కోట్లు అయిపోతుందని సమాచారం. ఈ సినిమాలో సముద్రఖని, సాయి కుమార్, జరీనా వాహబ్ లాంటి తారలు కీలకపాత్రల్లో కనిపించనున్నారు. తెలుగు, తమిళం, కన్నడ, మలయాళం, హిందీ భాషల్లో ఈ సినిమాను విడుదల చేయనున్నారు.

బిగ్ బాస్ 6 తెలుగు 21 మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!