నాని ‘కృష్ణార్జున యుద్ధం’ టీజర్ సంచలనం సృష్టించనుందా ?

నేచురల్ స్టార్ నాని పట్టిన సినిమా అంతా విజయవంతమవుతోంది. హీరోగా డబల్ హ్యాట్రిక్ అందుకున్న నాని, అ సినిమాతో నిర్మాతగానూ హిట్ అందుకున్నారు. ఇప్పుడు మరో విజయాన్ని అందుకోవడానికి రెడీ అవుతున్నారు. ప్రస్తుతం నాని యువ దర్శకుడు మేర్లపాక గాంధీ దర్శకత్వంలో “కృష్ణార్జున యుద్ధం” సినిమా చేస్తున్నారు. నాని ద్విపాత్రాభినయం చేస్తున్న ఈ చిత్ర షూటింగ్ చివరి దశకు చేరుకుంది. ఇందులో ఒక సామాన్య యువకుడిగా, సింగర్ గా కనిపించబోతున్నారు. వీరి పక్కన అనుపమ పరమేశ్వరన్, రుక్సార్ మిర్ లు హీరోయిన్స్ గా నటిస్తున్నారు. ఈ మూవీ ఏప్రిల్ 13 న రిలీజ్ అయి రికార్డులను తిరగరాయడం ఖాయం.

అంతకు ముందే ఈ సినిమా సంచలనం సృష్టించబోతన్నట్లు ఫిలిం నగర్ వాసులు చెబుతున్నారు. ఈ మూవీ టీజర్ ని శనివారం రిలీజ్ చేయాలనుకుంటున్నారు. ఈ టీజర్ లో నాని రెండు పాత్రల్లో కనిపించి కనువిందు చేయనున్నారు. అంతేకాదు ఈ టీజర్ ఎక్కువమందికి నచ్చుతుందని, అత్యధిక వ్యూస్ అందుకుంటుందని చిత్ర బృదం ధీమా వ్యక్తం చేస్తోంది. ఇక ఈ సినిమా తర్వాత నాని శ్రీరామ్ ఆదిత్య డైరెక్ష‌న్‌లో మల్టీ స్టారర్ మూవీ చేయనున్నారు. అలాగే కిశోర్ తిరుమల కథని పక్కన పెట్టి అవసరాల శ్రీనివాస్ కథకి గ్రీన్ సిగ్నల్ ఇచ్చారు.