‘నిన్నుకోరి’ అమెరికా షెడ్యూల్ పూర్తి చేసిన నాని

నేచురల్ స్టార్ నాని ప్రతి మూడు నెలలకు ఒకటి చొప్పున సినిమాలను రిలీజ్ చేస్తూ.. ప్రస్తుతం టాలీవుడ్ లో దూసుకుపోతున్న హీరోల్లో మొదటి స్థానంలో ఉన్నారు. అత్యధిక సక్సస్ రేట్ కూడా ఇతని ఖాతాలోనే ఉంది. నాని నేను లోకల్ మూవీ థియేటర్ లోకి వచ్చిన వెంటనే  నూతన దర్శకుడు శివ నిర్వాన  డైరెక్షన్లో 19వ సినిమా మొదలెట్టారు. డివివి దానయ్య నిర్మిస్తున్న ఈ మూవీ అమెరికాలోని సాన్ ఫ్రాన్సిస్కో, లాస్ ఏంజిల్స్ వంటి ఆకర్షణీయమైన లోకేషన్లలోచిత్రీకరణ జరుపుకుంది. హీరో నాని, హీరోయిన్ నివేత థామస్ లపై రొమాంటికి సన్నివేశాలను షూట్ చేశారు.

నిన్నటితో ఈ షెడ్యూల్ కంప్లీట్ అయినట్లు చిత్ర బృందం వెల్లడించింది. రెండు రోజుల్లో హైదరాబాద్ కి రానున్నారు. మిగిలిన సీన్లన్నీ ఇక్కడే షూటింగ్ చేయనున్నారు. ఆది పినిశెట్టి కీలక పాత్రలో నటిస్తున్న ఈ చిత్రం ఫస్ట్ లుక్ మార్చి 23 రిలీజ్ అయి యువతను విశేషంగా ఆకట్టుకుంది. గోపీ సుందర్ మ్యూజిక్ అందిస్తున్న ఈ మూవీని జూలై 7న విడుదల చేయాలని నిర్మాతలు భావిస్తున్నారు.