‘స్టార్‌మా’కు బ్రాండ్‌ అంబాసిడర్‌ అయిన సందర్భంగా శనివారం రామ్‌చరణ్‌ బిగ్‌బాస్‌ కార్యక్రమానికి వచ్చాడు. ఈ క్రమంలో ఇంటి సభ్యులతో కాసేపు ముచ్చటించారు కూడా. అప్పుడు రామ్‌చరణ్‌ గురించి నటరాజ్‌ మాస్టర్‌ ఆసక్తికర విషయం ఒకటి చెప్పుకొచ్చాడు. ఇప్పుడు ఆ విషయం సోషల్‌ మీడియాలో వైరల్‌గా మారింది. ఇండస్ట్రీ సభ్యులతో చరణ్‌ అలా ప్రవర్తిస్తాడా అంటూ అభిమానులు ఆనందం వ్యక్తం చేస్తున్నారు. ఇంతకీ ఏమైందంటే? అది తెలుగు సినిమా వజ్రోత్సవ వేడుక.
ఇండస్ట్రీ మొత్తం చాలా ఘనంగా జరుపుకుంది. ఇప్పటివాళ్లకు తెలియదు కానీ… ఆ రోజుల్లో టీవీలో ఆ సందడే వేరు. నటరాజ్‌ మాస్టర్‌ చెప్పింది కూడా అప్పటి విషయమే. ఆ వేడుక సందర్భంగా భోజనాలు పెట్టినప్పుడు నటరాజ్‌ మాస్టర్‌కు రామ్‌చరణ్‌ భోజనం ప్లేట్‌ సిద్ధం చేసి తెచ్చి ఇచ్చారట. ఆ విషయాన్ని శనివారం బిగ్‌బాస్‌ షోలో చెబుతూ ఆనందపడిపోయాడు నటరాజ్‌ మాస్టర్‌. ఈ సందర్భంగా రామ్‌చరణ్‌ మాట్లాడుతూ ‘అందులో పెద్ద విషయమేముంది మాస్టర్‌’ అంటూ నవ్వేశాడు.
అక్కడితో ఆ మాటలు ఆగిపోలేదు. నటరాజ్‌ మాస్టర్‌ చెప్పిన వెంటనే రామ్‌చరణ్‌ చాలా లైట్‌గా ‘అదేముంది మాస్టర్‌ ఎవరైనా చేయాల్సిందే’ అన్నారు. అప్పుడు నాగార్జున అందుకుంటూ… ‘సంస్కారానికి ప్రతిరూపం మా అన్నయ్య చిరంజీవి… కొడుకు’ అంటూ రామ్‌చరణ్‌ను, చిరంజీవిని ఆకాశానికెత్తాడు నాగార్జున. శనివారం మొత్తం షోలో మెగా అభిమానులకు కిక్‌ ఇచ్చే సెగ్మంట్లలో అదొక్కటి.
Most Recommended Video
‘బిగ్ బాస్5’ మానస్ గురించి ఈ 10 విషయాలు మీకు తెలుసా?
‘బిగ్ బాస్5’ లహరి షెరి గురించి ఈ 10 విషయాలు మీకు తెలుసా?
‘బిగ్ బాస్5’ ప్రియా గురించి ఈ 12 విషయాలు మీకు తెలుసా?
Home