నానికి జోడిగా నటించనున్న అనుష్క!

అరుంధతి సినిమాతో హీరోలతో సమానంగా అనుష్క క్రేజ్ తెచ్చుకుంది. బాహుబలి సినిమాతో దేశవ్యాప్తంగా అభిమానులను సంపాదించుకుంది. అవకాశాలు కూడా ఆమె ముందు ఎన్నో వాలాయి. కానీ ఆమె మాత్రం పరుగును నెమ్మది చేసింది. బాహుబలి తర్వాత భాగమతి అనే సినిమాని మాత్రమే చేసింది. ఇది కూడా సూపర్ హిట్. దీని తర్వాత ఆమె ప్రాజక్ట్ ఏంటి ? అని అందరూ ఆసక్తిగా ఎదురుచూస్తున్నారు.  తెలుగులో సైలెన్స్ అనే సినిమా చేస్తుందని.. తమిళంలో  గౌతం మీనన్ డైరక్షన్ లో నటించడానికి గ్రీన్ సిగ్నల్  ఇచ్చిందని చెప్పుకుంటున్నారు. కానీ ఏది అధికారికంగా ప్రకటించలేదు.

తాజాగా మరో సినిమాకి ఓకే చెప్పినట్లు ఫిలిం నగర్ వాసులు చెప్పారు. ఐతే, మనమంతా వంటి డిఫెరెంట్ కథలతో సినిమాలు తీసే చంద్ర శేఖర్ యేలేటి ఓ వినూత్న కథను రెడీ చేసుకున్నారంట. ఆ కథ అనుష్కకి వినిపించడం.. ఆమెకు నచ్చడం జరిగిపోయాయంట. ఇందులో హీరోగా నాని నటించనున్నట్లు తెలిసింది. వీరిద్దరి కాంబినేషన్ కొత్త అనుభూతిని అందించడం ఖాయం. ప్రస్తుతం నాని.. నాగార్జునతో కలిసి శ్రీ రామ్ ఆదిత్య దర్శకత్వంలో “దేవదాస్” అనే మల్టీ స్టారర్ సినిమాని చేస్తున్నారు. దీని తర్వాత “మళ్ళీ రావా” చిత్ర డైరెక్టర్ గౌతమ్ తెరకెక్కించే “జెర్సీ” చిత్రంలో నటిచనున్నారు. ఈ రెండు సినిమాల తర్వాత చంద్ర శేఖర్ యేలేటి ప్రాజక్ట్ పట్టాలెక్కనుంది.