రామ్ చరణ్ మిత్రుడిగా నవదీప్

చెల్లెలి పెళ్లి, తండ్రి సినిమా పనుల తర్వాత రామ్ చరణ్ తన సినిమా షూటింగ్ లో బిజీ అయ్యాడు. సురేందర్ రెడ్డి దర్శకత్వంలో రూపుదిద్దుకుంటున్న ధృవ సినిమా రెండో షెడ్యూల్ హైదరాబాద్లో మొదలయింది. తమిళ్ హిట్ సినిమా “తనీ వరువన్” కు ఇదీ రీమేక్. తమిళంలో విలన్ గా నటించిన అరవింద్ స్వామీ తెలుగులోనూ ప్రతి కథానాయకుడిగా చేస్తున్నాడు. బ్రూస్లీ లో చరణ్ పక్కన ఆడి పాడిన రకుల్ ప్రీత్ ఇందులోనూ రొమాన్స్ చేయనుంది.

వీరందరితో పాటు తాజా షెడ్యూల్ లో యువ నటుడు నవదీప్ కూడా నటిస్తున్నాడు. ఈ విషయాన్ని తన ట్విట్టర్ ద్వారా అభిమానులతో పంచుకున్నాడు. ఈ సినిమాలో చరణ్ ట్రైనీ ఐపీఎస్ గా కనిపిస్తున్నాడు. అతని మిత్రుడి పాత్రలో నవదీప్ నటిస్తున్నట్లు సమాచారం. తమిళ వెర్షన్లో హీరో మిత్రుడు చనిపోతాడు. ఆ పాత్రలో యువ హీరో ఆకట్టుకోనున్నాడు. ఆర్య 2, ఓ మై ఫ్రెండ్ సినిమాలో నవదీప్ తనదైన స్టైల్ లో నటించి మెప్పించాడు. ఇందులో అతని నటన సినిమాకు ప్లస్ అవుతుందని చిత్ర బృందం భావిస్తోంది.

Happy to be onboard charans #dhruva 🙂 lets see what comes out of this 🙂 #oldwaysdontopennewdoors 🙂

— Navdeep (@pnavdeep26) June 7, 2016