‘రానా నాయుడు’…ఈ మధ్య కాలంలో టాలీవుడ్‌లో ఎక్కువగా చర్చనీయాంశమైన వెబ్ సిరీస్. వెంకటేష్ నుండి ఇలాంటి వెబ్ సిరీస్ ఒకటి వచ్చింది అంటే ఎవ్వరూ డైజెస్ట్ చేసుకోలేకపోతున్నారు. వెంకటేష్ ఇమేజ్ అలాంటిది. ఫ్యామిలీ ఆడియన్స్ అతన్ని రారాజుగా చూస్తుంటారు. ఇద్దరూ కలిసి ఓ యాక్షన్ సిరీస్ చేసినా అదో పద్దతిగా ఉండేది కానీ ఇలాంటి అడల్ట్ కంటెంట్ ను మిక్స్ చేసి జనాల ముందుకు తీసుకురావడం ఏంటని అంతా మాట్లాడుకున్నారు.
విజయశాంతి, సీనియర్ నటుడు శివ కృష్ణ.. వంటి వారు కూడా ఈ వెబ్ సిరీస్ ను వెంటనే డిలీట్ చేయాలని కోరుతూ సోషల్ మీడియా వేదికగా చెప్పుకొచ్చారు. అయితే ఈ సిరీస్ కు సంబంధించిన తెలుగు వెర్షన్ ను డిలీట్ చేసినట్టే చేసి.. మళ్ళీ అందుబాటులోకి తెచ్చింది నెట్ ఫ్లిక్స్ సంస్థ. ఇదిలా ఉండగా.. ‘రానా నాయుడు’ సిరీస్ గురించి తాజాగా నటుడు నవదీప్ ఇంట్రెస్టింగ్ కామెంట్లు చేశాడు.
అతను మాట్లాడుతూ.. “రానా నాయుడు సిరీస్ నాకు నచ్చింది. ఈ సిరీస్ ను తిట్టుకునే వాళ్ళు ఎంతమంది ఉన్నారో.. ఎంజాయ్ చేసిన వాళ్లు కూడా ఉన్నారు అనేది నా అభిప్రాయం. ఇది పాత జనరేషన్ వాళ్లకు నచ్చకపోవచ్చు.. కానీ నేటి తరానికి కచ్చితంగా నచ్చుతుంది. దీని గురించి ఎన్ని విధాలుగా మాట్లాడుకున్నా.. ఇది ట్రెండింగ్లో నిలిచింది. ‘రానా నాయుడు’ నచ్చని వాళ్ల గురించి నేను ఎక్కువ మాట్లాడాలనుకోవడం లేదు.
ఈ సిరీస్ అంతా ముంబయి కల్చర్ ను బేస్ చేసుకుని తీసింది. దాని గురించి తెలిసిన వారికి ఇది ఇబ్బందిగా అనిపించదు. నచ్చే అవకాశం కూడా ఉంది. ఆ కల్చర్ను కూడా ఇందులో సరదాగానే చూపించారు. అయినా ఈ సిరీస్ ను ఒంటరిగా చూడాలని ముందు నుండి మేకర్స్ చెబుతూనే ఉన్నారు” అంటూ చెప్పుకొచ్చాడు (Navdeep) నవదీప్.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
Home
